ಗಝಲ್- ಹಸಿವು
ಹಸಿವು ನಮಗೆ ತಾಳಲಾಗದು ಊಟ ಕೊಡಮ್ಮಾ
ಬಹಳವೇ ಬಳಲಿಹೆವು ಊಟ ಕೊಡಮ್ಮಾ...
ನಿನ್ನ ನೋಡದೆ ಮನವು ಬಾಡಿ ಹೋಗಿಹುದು
ಹೊಟ್ಟೆ ಖಾಲಿಯಾಗಿಹುದು ಊಟ ಕೊಡಮ್ಮಾ..
ನಿನ್ನ ಕಾಣದೆ ಹೃದಯ ಅರಳದು
ಎಲ್ಲಿದ್ದೆ ನೀ ಇಷ್ಟ್ಹೊತ್ತು ಊಟ ಕೊಡಮ್ಮಾ..
ಹಸಿವೆಯ ತೀವ್ರತೆ ಹಸಿದವಗೆ ಗೊತ್ತು,
ತೀವ್ರತೆ ಕುಗ್ಗಿಸೆ ಊಟ ಕೊಡಮ್ಮ..
ಅಮ್ಮನ ಬಿಟ್ಟು ಬಾಳುವ ಪರಿ ಅನಾಥಗೆ ಗೊತ್ತು
ನಿನ್ನಯ ಮರಿಗಳಿಗೆ ಊಟ ಕೊಡಮ್ಮ..
ಅಮ್ಮನ ಪ್ರೀತಿಯ ಆಳ ಅರಿತವರಿಲ್ಲ
ಪ್ರೀತಿಯ ತುತ್ತಿನ ಊಟ ಕೊಡಮ್ಮ...
ಕಾಳನು ಮೀನನು ಹಿಡಿಯಲು ಕಷ್ಟ
ಕಷ್ಟ ಪಟ್ಟು ಸಂಪಾದಿಸಿದ ಕೂಳ ಊಟ ಕೊಡಮ್ಮ..
ಬೆವರನು ಸುರಿಸಿ,ದುಡಿವುದ ಕಲಿತು
ದುಡಿದು ಗಳಿಸಿದ ಊಟ ಕೊಡಮ್ಮ..
ಮಕ್ಕಳ ಕರೆಯನ್ನು ಆಲಿಸ ನೀನು
ಮಕ್ಕಳಿಗಾಗಿ ತಂದ ಊಟ ಕೊಡಮ್ಮ....
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ