1269. ಕೊರಗಜ್ಜಗ್

ಕೊರಗಜ್ಜಗ್

ತೂಯೆರೆ ಇರೆನೊರ ಆಸೆಲ ಆಂಡ್

ಬರಿಯರೆ ತೀರುಜಿ ಕೊರಗಜ್ಜ

ನೂಕು ನುಗ್ಗೆಲ್ ಡ್ ನೂರೆರೆ ಆವಂದ್

ಎಡ್ಡೆ ಮಲ್ಪುಲೆ ಕೊರಗಜ್ಜ

ತೂನಗ ಇರೆನೊರ ಕಣ್ಣುಲು ತಣಿವುಂಡು

ಕಾಪುಲೆ ಪಂಡ್ ದ್ ಮನಸ್ ಕೇನುಂಡು..

ತೂಯೆಡ ಇರೆನ್  ಉಡಲ್ ನಲಿಪುಂಡು

ಈರೆ ಕಾಪುನಿಂದ್ ಪೂರ ಪನ್ಪುಂಡು..

ನಲಿಕೆಲ ತೆಲಿಕೆಲ ಇರೆನ ಪ್ರಸಾದ

ಕಲಿಪೆರೆ ಪೂರ ಕೊರ್ಲೆ ಆಶೀರ್ವಾದ..

ನಡಪರೆ ತೀರಂದ್ ಬೆನಿಯರೆಗಾವಂದ್

ಜೋಕ್ಲೆಗ್ ತಾಂಕುನ ಬುದ್ಧಿನ್ ಕೊರ್ಲೆಂದ್

ಸತ್ಯಲ ಸುಖಲ ಇರೆಗೇ ತೆರಿವುನಿ

ತಪ್ಪುಲ ಸರಿಲ ಈರೇ ತೂಪಿನಿ..

ಯಾನ್ ಎನ್ನ ಪನ್ಪಿ ದಾದ ಉಂಡು

ಪೂರಲ ಇರೆನನೆ ಕಲೆ ತೋಜುಂಡು..

ಬೇನೆಲ ಬೇಜಾರ್ ಲ ಕೊರಂದೆ ಕಾಪುಲೆ

ಭಯ ಭಕ್ತಿನ್ ಹೆಚ್ಚಾದ್ ಉಡಲ್ ಡ್ ನೆಲೆಯಾಲೆ..

@ಪ್ರೇಮ್@

21.10.2019