ಜನಪದ ಶೈಲಿಯ ಗೀತೆ
ನಮ್ ಕಾಲದಾಗೆಲ್ಲ
ಅತ್ಕೊಂಡು ಕರಕೊಂಡು
ಅಪ್ಪ ಕೊಟ್ಟೆಮ್ಮೆ ಹೊಡಕೊಂಡು ...
ಬೇಸರದಿ
ಗಂಡನ ಮನೆಯ ಸೇರ್ಯೇವ..
ಕಲಿಯುಗವು ನೋಡಕ್ಕ
ಈಗೆಲ್ಲ ಹಾಂಗಿಲ್ಲ
ಗಂಡನ ಮನಿಗೆ ಹೋಗಾಕ..
ಖುಷಿಯಾಗೆ
ಹೆಣ್ಣುು ಹೊರಟಾಳ ಮನಿಕಡಿಗೆ...
ಅಪ್ಪ ಅವ್ವನ ಕೂಡೆ
ಮನೆಕೆಲಸ ಒಂದಿಷ್ಟು
ಬೇರೇನ ನಮಗೆ ತಿಳಿದೀತು... ನನ್ನವ್ವ
ಬೇಸರವು ತಂಗಿ ತಮ್ಮನ
ಬಿಟ್ಟು ಹೋಗೋಕೆ...
ಆಶ್ರಮದಿ ಬೆಳೆದಾಳ
ಸುಖಕಷ್ಟ ತಿಳಿದಾಳ
ಓದು ಬರಹಾವ ಕಲಿತಾಳ..
ಹಾಯಾಗಿ
ಮದುವ್ಯಾಗಿ ಕೆಲಸಕ್ಕ
ಹೋಗ್ತಾಳ...
ನನ್ನವ್ವ ನಾನು
ಶಾಲಿ ಕಲಿಯಲಿಲ್ಲ
ಏನ ಮಾಡಲಿ ಮುಂದಕ್ಕ..
ಹೆಸರೊಂದು
ನನ್ನ ಮಗನು ಓದಿ ಪಡೆಯಲಿ..
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ