665. ಗಝಲ್-63

ಗಝಲ್-63

ಕ್ಯಾಲೆಂಡರ್  ಬದಲಾದಂತೆ ಬದಲಾಗುವ ಮನವೂ ಬೇಕಾಗಿದೆ.
ಸತ್ತು ಹೋದ ಕರುಳಿಗೆ ಹೊಸ ಭಾವವೂ ಬೇಕಾಗಿದೆ//

ಮಾತು ಮುತ್ತಿನಂತಿದ್ದು, ಇತರರ ನಗಿಸಬೇಕಿದೆ
ನವನವೀನ ಕಲ್ಪನೆ,ಉತ್ತಮ ನೋಟವೂ ಬೇಕಾಗಿದೆ//

ಮೊಬೈಲ್, ಕಂಪ್ಯೂಟರ್, ವಾಟ್ಸಪ್, ಮುಖಪುಟಗಳು ಇರಲಿ
ಪಕ್ಕದಲಿ ಇರುವವರೊಡನೆ ಮಾತಿನ ಶಬ್ದವೂ ಬೇಕಾಗಿದೆ//

ಲೋಕಕೆ ನೀನೇನಾದರೇನು ಫಲ ಗುರುವೆ?
ಬದಿಯವನಿಗೆ ಅಳು ಬಂದಾಗ ಒರೆಸುವ ಸಹಾಯ ಹಸ್ತವೂ ಬೇಕಾಗಿದೆ//

ಹಿರಿಯರೊಡನೆ ಬಳಗದೊಡನೆ ಹರಟೆ -ಮಾತು ಬೇಕು
ಪುಸ್ತಕಗಳ ಮಸ್ತಕದಲಿ ತುಂಬಿಸಿಕೊಳ್ಳೋ ನಯನವೂ ಬೇಕಾಗಿದೆ//

ಡಿಜೆ ಹಾಡು, ಹಾಟು ಡ್ರಿಂಕ್ಸ್, ತುಂಡು ಬಟ್ಟೆ ಬಿಡಬೇಕಲ್ಲವೇ?
ದೀನ,ರೋಗಿ, ಅಂಧ ಜನಕೆ ಪ್ರೇಮ ಧಾರೆಯೆರೆವ ಹೃದಯವೂ ಬೇಕಾಗಿದೆ//
@ಪ್ರೇಮ್@