ಆ ದಿನಗಳು
ಸುಪ್ತ ಭಾವಗಳು ಮಲಗಿರಲು,
ಎದೆಕದವ ಗಟ್ಟಿ ಬಿಗಿದಿರಲು,
ಮುಸುಕಿನೊಳಗೆ ಮನ ಮಲಗಿರಲು,
ಆಗಮನ ಸ್ನೇಹಿತನ ಆ ಸಂಜೆಯೊಳು//೧//
ಬಳಿಗೆ ಬಂದ ಕ್ಷಣ ಕಣ್ಣೀರುರುಳಲು
ಪರಿತಪಿಸುತ ಕಷ್ಟಗಳ ಹಂಚಿಕೊಳ್ಳಲು
ನಾನಿನಗೆ ಜತೆಯಾಗಿರುವೆ ಎನಲು
ಧೈರ್ಯದಿ ಬದುಕಲಿ ಮುನ್ನಡೆಯಲು//೨//
ಮನಸೋತು ಮಮತೆಯ ಗರಿಬಿಚ್ಚಲು
ಕೋಗಿಲೆಯ ತೆರದಿ ಮನ ಹಾಡಲು
ಮೆದುಳಿನ ಶಕ್ತಿಯು ತಾ ಮರಳಲು
ನಿರಾಳತೆಯಲಿ ಉಸಿರಾಟ ಪ್ರಾರಂಭಿಸಲು//೩//
ಎದೆಗೂಡಿನಲಿ ರಾಗ ತಾ ಕುಣಿದಿರೆ
ಹಣೆಯಲಿಹ ಬರಹವು ಕೈಲಿ ಬರೆ
ಮೆದುಳಿನ ಯೋಚನೆಗೆ ಜೀವ ತೆರೆ
ಕವನವಾಗಿ ಹೊಮ್ಮಲು ಜೀವ ಸೆರೆ//೪//
ಬಂತು ನನ್ನ ಮಗುವಿನಂದದಿ ಕವನ
ತಂತು ಜನಕೆ ಖುಷಿ-ಖುಷಿಯ ಕ್ಷಣ!
ಸೆರಗ ಹಿಡಿಯುತ ಕುಣಿದು ಹೃನ್ಮನ
ಜೋಕಾಲಿಯಂದದಿ ಜೀಕಿ ಅನುದಿನ//೫//
ಕಾವ್ಯ ಸಾಗರ ಅವನಿಗಿಳಿಯಿತು!
ದೀಪೋತ್ಸವದ ಬೆಳಕ ಬೆಳಗಿತು!
ನವಿಲು ಕುಣಿದು ನಾಟ್ಯವಾಡಿತು
ಹೊಸ ವರುಷ ಬರಲು ಹೊತ್ತಿಗೆಯಾಯಿತು//೬//
ಸಡಗರದಿ ಬಾಳ ನೌಕೆ ಸಾಗಲು
ಮುಂದೆ ದಾರಿಯ ದೇವ ತೋರಲು
ಬಿಡುಗಡೆಯ ದಿನವು ಬೇಗನಿರಲು
ಆಹ್ವಾನವಿಹುದು ನೀವೂ ಬರಲು//೭//
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ