ಬರಬಾರದೇ
ಬರುವೆನು ಎಂದವ ಬರದೆಯೇ ಹೋದೆಯಾ
ಭಯವದು ನನ್ನನು ಕಾಡುವುದು..
ನೀರಿನ ನೆಪದಲಿ ನೋಡಲು ಬಂದೆನು
ನಿನ್ನಯ ನೆನಪಲಿ ಬಂದಿಹೆನು...
ಆರದ ಆವಿಯ ಮನದಲಿ ತುಂಬಿಸಿ
ಇನಿಯನಿಗಾಗಿ ಕಾದಿಹೆನು..
ಮೋಡಿಯ ಮಾಡಿ ಮಾತನು ಕೊಟ್ಟು
ಬರದೆಯೆ ಮೋಸವ ಮಾಡಿಹನು..
ಕೊಡವದು ಖಾಲಿ ಮನವೂ ಖಾಲಿ
ಮೈಮನ ನಿನ್ನಯ ನೆನಪಲ್ಲಿ..
ಬಿಳಿಯಾಗಿಹುದು ತನುಮನವೆಲ್ಲ
ಬಿಳುಪದು ನಿನ್ನಯ ನೆನಪಲ್ಲಿ..
ಬದುಕೇ ಬಂಗಾರ ನಿನ್ನಾಗಮನದಿ
ಬಂದು ಬಿಡು ನೀ ನನ್ನೆಡೆಗೆ
ಕಾದಿಹೆ ನಿನಗೆ ದಿನವಿಡಿ ಮನದ
ದಣಿವನು ಮರೆತು ನಾನಿಲ್ಲಿ..
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ