ನನ್ನಿಂದ ಕಲಿಯಿರಿ
ಪರಿಸರ ಶುದ್ಧಿ ಜೀವಿಯು ನಾನು..
ನನ್ನಿಂದ ಕಲಿಯೋ ಮಾನವ ನೀನು..
ಬಿಸಿಲು- ಮಳೆ- ಚಳಿಗೂ ಅಂಜದೆ,
ಸ್ವಚ್ಛತೆ ಕಾರ್ಯವ ಮಾಡುವ ಗಂಡೆದೆ//
ಮುಗ್ದ ಗೆಳೆತನಕೆ ಹೆಸರಾದವ ನಾನು,
ನಿನ್ನುಳಿದಗುಳನು ತಿಂದು ಬೆಳೆವವನು.
ಪಿತೃ ಪಕ್ಷಕೆ ನಾನೇ ಬೇಕು, ಮೊದಲೂಟವು ನನಗಂದು,
ಎತ್ತಿಡುವೆ ನೀ ಊಟ ತಿಂಡಿಯ ಹಿರಿಯರು ತಿನಲೆಂದು//
ಸತ್ತ ಪ್ರಾಣಿಗಳ ದೇಹವ ತಿಂದರೂ
ನನ್ನಲಿ ಕಾಣೆ ನೀ ಕಪಟದ ನೆತ್ತರು,
ಮಾನವ ನೀನು ಬಿಡಲಾರೆ ನನ್ನಂಥ
ಸಣ್ಣ ಜೀವಿಗಳ ಬದುಕಲು ಸ್ವಂತ//
ಕಪ್ಪಾದರು ಬಣ್ಣವು ಶನಿಯ ವಾಹನವು
ನಿಮ್ಮಾರನು ಬಿಡದು ಶನಿ ಗ್ರಹವು..
ಮೆತ್ತಗೆ ಸ್ವಚ್ಛದಿ ಬಾಳುವುದ ಕಲಿಸುವೆ,
ಒಗ್ಗಟ್ಟಿನ ಶಕ್ತಿಯ ಸಂದೇಶ ಸಾರುವೆ!
@ಪ್ರೇಮ್@
07.08.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ