ಅಮ್ಮನ ನುಡಿಗಳು
ಕಾಣದ ರೋಗದಿ ಮಂಚದ ಮೇಲೆ
ಏಳಲು ಆಗದೆ ಮಲಗಿರುವೆ,
ದಯನೀಯ ದೇವರೆ ಕರುಣೆಯ
ತೋರೋ ನನ್ನಯ ಮೇಲೆ..
ಮಗನನು ಪ್ರೀತಿಸಿ ಚುಂಬಿಸಬೇಕು
ಮಗಳ ಮದುವೆ ಮಾಡಲುಬೇಕು
ಗಂಡನೆ ತಿನಿಸದು ನನ್ನದೆ ಕಾಯಕ
ಮನೆ ಮಠವೆಲ್ಲ ಸ್ವಚ್ಛವಿರಿಸಬೇಕು..
ಅಮ್ಮನ ಊರಿಗೆ ಹೋಗಲುಬೇಕು
ಗಂಡನ ಊರಲಿ ಪೂಜೆಯ ಇಡಬೇಕು,
ದೇವರೆ , ಮಗನಿಗೆ ಓದಿಸಲು ನಾ ಬೇಕು
ರಕ್ಷಿಸೆ ನನ್ನನು ನೀ ಈಗಲೆ ಬರಬೇಕು..
ತಮ್ಮನ ಬದುಕನು ಕಟ್ಟಲು ಬೇಕು,
ತಂಗಿಯ ಮಕ್ಕಳಿಗೆ ಬುದ್ಧಿಯು ಬೇಕು,
ಅಕ್ಕನ ಮಗನ ಕೆಲಸಕೆ ಹಾಕಬೇಕು,
ಅಣ್ಣನ ಆರೋಗ್ಯ ವಿಚಾರಿಸಬೇಕು..
ತೋಟಕೆ ನೀರನು ಬಿಡುತಿರಬೇಕು
ನಾಯಿಯ ನಿತ್ಯ ನೋಡಿಕೋಬೇಕು,
ಕೆಲಸಕೆ ಮತ್ತೆ ಸೇರಿಕೋಬೇಕು
ಎಲ್ಲರ ನೋಡಲು ನಾನಿರಬೇಕು..
@ಪ್ರೇಮ್@
14.08.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ