ಪುಣ್ಯವಂತ ನಾನು!
ಭಾರತದ ಒಡಲಲಿ ಹುಟ್ಟಿ ಬಂದೆ ನಾನು,
ಭಾರತಿಯ ಪ್ರೀತಿಸುವ ಭಾಗ್ಯ ಪಡೆದೆ ತಾನು!!
ಭಾರತಿಯ ಕೈತುತ್ತು ತಿನ್ನುತಲಿ ಬೆಳೆದೆ!
ಭಾರತಾಂಬೆಗೆ ಜೈಯೆನುವ ಭಾವವನೆ ಮೆರೆದೆ!
ಮನದಲೆಂದು ಭಾರತೀಯನೆಂಬ ಹೆಮ್ಮೆ ನನಗೆ,
ಬದುಕನೆಂದು ಇಲ್ಲೆ ಬೆಳಗೊ ಸಾಧನೆಯ ಕಡೆಗೆ//೧//
ಬಯಸಿದಂಥ ಸ್ವತಂತ್ರ ಸುಖವ ತಾಯಿಯೆನಗಿತ್ತು,
ನೀಡಿದಳು ಪ್ರೀತಿಯಿಂದ ನನಗೆ ಕೈ ತುತ್ತು,
ಸಲಹಿದಳು ಹಣ್ಣು ,ನೀರು ,ಊಟವನು ಇತ್ತು,
ಬಾಳುವೆಯೇ ಭಾರತದಿ ನನಗೆ ಸಂಪತ್ತು..//೨//
ಜಾತಿ ಧರ್ಮ ಬೇರೆಯಾದ್ರೂ ರಕ್ತವು ಎಲ್ಲರದೊಂದೆ!
ಭಾರತಿಯು ಸಲಹುವಳು ಹೀಗೆಯೇ ಮುಂದೆ!!
ಹಲವು ಭಾಷೆ, ಲಿಪಿಯಿದ್ದರೂ ಭಾರತೀಯರೊಂದೇ,
ಸಂಸ್ಕೃತಿಯ ತವರೂರು ಸರಿಯದೆಂದೂ ಹಿಂದೆ//೩//
ಭಯವಿರದ ಬದುಕಿಹುದು ಭಾರತಿ ಮಡಿಲಲ್ಲಿ,
ಕೈ ತೊಳೆಯಲು ಸಾಗರವು ಕಾಯುತಲಿಹುದಲ್ಲಿ!
ಹಿಮಾಲಯದ ಎತ್ತರಕೆ ಏರಬಲ್ಲೆಯೇನು?
ಏನಿದ್ದರೂ ಮನುಜನೊಂದು ಜೀವಿಯೇ ಪರಿಸರದಿ ತಾನು!//೪//
@ಪ್ರೇಮ್@
15.08.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ