974. ಕಾರ್ಮಿಕ

ಕಾರ್ಮಿಕ

ಕಾರ್ಮಿಕರೆಲ್ಲರು ದೇಶದ ಮಡಿಲು
ತನ್ನದೆ ಕಾಯಕ ರಾಷ್ಟ್ರದ ಒಡಲು..

ಜನಮನಕೆ ಸಹಕಾರಿಯು ಕಾರ್ಮಿಕ
ತನ್ನಿಂದಲೆ ದೇಶ ಸೇವೆಯು ಮಾರ್ಮಿಕ
ತಾನೆಂದಂತೆ ಇಡೀ ದಿನ ಕೆಲಸ
ಉಣ್ಣುವ ಕೈಗಳ ದಿನನಿತ್ಯದ ದುಡಿತ//

ಕೆಲಸದಿ ಸಂತಸ ಕಾಣುವ ರೈತ,
ಇತರಗೆ ಉಣಿಸುವುದರಲೆ ತಾ ಮೈ ಮರೆತ.
ತನ್ನಯ ಕಾರ್ಯವು ಪರರಿಗೆ ಸೀಮಿತ.
ಕೆಲಸ ಕಾರ್ಯವದು ನಡೆವುದು ಸಂತತ//

ಕಾರ್ಮಿಕನ ಕೈಗದು ಇಲ್ಲವು ಆಯಾಸ,
ದುಡಿಯುವ ಕರಗಳಿಗೆ ನಿತ್ಯವು ಸಂತಸ,!
ಮನಃಶುದ್ಧಿಯೆ ನಮ್ಮ ಕೆಲಸಕೆ ಧೈರ್ಯವು,
ಚಿತ್ತ ಶುದ್ಧಿಯಿಂದ ಕೆಲಸವು ಹಗುರವು//

ಕಾರ್ಮಿಕನೇ ಭಾರತ ದೇಶದ ಜೀವಾಳ,
ಕಾಯಕ ಮಾಡುವ ಯೋಗಿಯೇ ವಿರಳ!
ಮಾಯದ ಜೀವನ ಸಾಧ್ಯವೆ ಇಲ್ಲವು!
ಕಾಯಕ ಮಾಡುತ ಬದುಕು ಆನಂದವು//
@ಪ್ರೇಮ್@
01.05.2019