ಕ್ಷಣ
ಕಸಿವಿಸಿಯಿಲ್ಲವು ಖುಷಿಯ ಕ್ಷಣದಲಿ
ಕಸದಂತಿರದೆ ಖನಿಯಂತಿರಲಿ ಬಾಳಿನಲಿ..
ಕುಶಲವಿರುವ ಹೃದಯದಲಿ
ಕೃತಕತೆಯ ನುಡಿಗಳು ನುಸುಳದಿರಲಿ..
ಕಿಸಕ್ಕನೆ ಕಿಸಿಯುತ ಪರರ ಮುಂದೆ
ಬೇಡಿ ಅಂಗಲಾಚುವ ಕ್ಷಣ ಬರದಿರಲಿ..
ಕೊಸರಲಿ ಬದುಕು ಕೆಸರಿನ ಕಮಲವರಳಿದಂತೆ
ಬಣ್ಣ ಬಣ್ಣದ ಕನಸುಗಳ ನನಸಾಗಿಸುತಲಿ..
ಕೆಸರಿನಲಿ ಬೆಳೆದ ಕೆಸುವಿನಂತೆ
ಹರವಾಗಿ ಹಬ್ಬಲಿ ಮಾಡಿದ ಸಮಾಜ ಸೇವೆ!
ಕೆಲಸವಿಲ್ಲದೆ ಕಳೆದ ಕ್ಷಣಗಳ ಲೆಕ್ಕವಿಟ್ಟು
ಮತ್ತೆ ಕಸುಬು ಮಾಡುವಂತಾಗಲಿ ಮನಕೆ...
ಕಸುವು ಇರುವವರೆಗೆ ದೇಹದಲಿ
ಖುಷಿಯ ದುಡಿತಕೆ ಬರ ಬಾರದಿರಲಿ..
ಕೆಸರಿನಲಿಹ ಹಂದಿಯಂತಾಗದಿರಲಿ
ಕೆಲಸವಿಲ್ಲದೆ ಬರಡಾದ ಬದುಕು...
@ಪ್ರೇಮ್@
15.04.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ