ಪನ್ಪಿನಾಯೆ ಒರಿ ಬೋಡಾ?
"ನಿಕ್ಲೆನ ಇಲ್ಲದ ಕಜವುನು ದೂರ ದಕ್ಕಡೆ,
ಬೇತೆ ಜನಕ್ ಅವೆರ್ದ್ ತೊಂದರೆ ಆಪಿನಿ ಬೊರ್ಚಿ,
ಕಜವು ಸರಿ ಇಲವಾರಿ ಮಲ್ಪುಲೆ"
ಉಂದೆನ್ ಪನ್ಪಿನಾಯೆ ಒರಿ ಬೋಡಾ?
"ಅನ್ಯಾಯ,ಲಡಾಯಿ ಬೊರ್ಚಿ ಬಾಳ್ ಡ್
ಪರೊಂದು ಗಲಾಟೆ ಮಲ್ಪೊರ್ಚಿ
ಬೇತೆಕ್ಲೆಗ್ ನಿಕ್ಲೆರ್ದ್ ತೊಂದರೆ ಆಪಿನಿ ಬೊರ್ಚಿ"
ಉಂದೆನ್ ಪನ್ಪಿನಾಯೆ ಒರಿ ಬೋಡಾ?
"ಪ್ಲಾಸ್ಟಿಕ್, ಫೈಬರ್ ಪೊತ್ತವೊರ್ಚಿ,
ಮಣ್ಣ್ ಗ್ ವಿಷ ಪಾಡೊರ್ಚಿ
ಅಂಗಡಿದ ಜಟ್ ಪಟ್ ತಿಂಡಿ ತಿನೊರ್ಚಿ
ಆರೋಗ್ಯ ಹಾಲ್ ಮಲ್ತೊನೊರ್ಚಿ"
ಉಂದೆನ್ ಪನ್ಪಿನಾಯೆ ಒರಿ ಬೋಡಾ?
"ನೆಮ್ಮದಿಡ್ ಬದ್ಕ್, ಪರನಿಂದೆ ಮಲ್ಪಡ
ಬರಿತಕ್ಲೆನ ಸುದ್ದಿಗ್ ಪೋವಡ
ಸರಿಯಾದ್ ತೆರಿದ್ ನಿಮೂರ್ತಿಡ್ ಬದ್ಕ್"
ಉಂದೆನ್ ಪನ್ಪಿನಾಯೆ ಒರಿ ಬೋಡಾ?
"ಬಾಲ್ ತೆಲಿಕೆ-ಕಣ್ಣೀರ್ ದ ಬಾಜನ
ಸುಖ ಕಷ್ಟ ಮಾನ್ಯಗತ್ತಂದೆ ಮರಕ್ ಬರುವಾ?
ಹೊಂದೊಂದು ಬದ್ಕ್ ಲ, ಒಂಜಿ ದಿನ ಪೋಯರೆ ಉಂಡು"
ಉಂದೆನ್ ಪನ್ಪಿನಾಯೆ ಒರಿ ಬೋಡಾ?
"ಎಲ್ಲೆದ ಚಿಂತೆ ದೇವೆರೆಗ್ ಬುಡು
ಇನಿತ ಸರ್ವ ಕಾರ್ಯ ಎಡ್ಡೆನೇ ಮಲ್ಪು
ನಾಲ್ ಜನಕ್ ಸಾಯಾದ್ ಬಾಲ್"
ಉಂದೆನ್ ಪನ್ಪಿನಾಯೆ ಒರಿ ಬೋಡಾ?
"ಜಾತಿ ಧರ್ಮಂದ್ ಲಡಾಯಿ ಮಲ್ಪಡ
ಪೂರ ಜನತಲಾ ನೆತ್ತೆರ್ ಒಂಜೇ
ಆಸ್ಪತ್ರೆದ ಮಂಚವುಗು ಜಾತಿಜ್ಜಿ"
ಉಂದೆನ್ ಪನ್ಪಿನಾಯೆ ಒರಿ ಬೋಡಾ?
"ಬದಲಾಯಿ ಕಾಲೊಡುಲಾ ಮನಸ್ ಬದಲ್ ಮಲ್ಪೊಚ್ಚಿ
ಮನುಷ್ಯತ್ವಡ್ ಬದ್ಕ್ ದ್ ತೋಜಾದ್ ಕೊರ್ಲ
ಏರ್ ದಾದನೇ ಮಲ್ಪಡ್, ಮಲ್ತಿನೇನ್ ಆಯೆನೇ ತಿನ್ಪೆ"
ಉಂದೆನ್ ಪನ್ಪಿನಾಯೆ ಒರಿ ಬೋಡಾ?
@ಪ್ರೇಮ್@
19.01.2020
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ