ಗಜಲ್

              ಗಝಲ್

ಪ್ರಾಣ ಸಖನೇ  ನಿನ್ನ ಮೂಗಿನ ತುದಿಯ ಕೋಪವ ಕಚ್ಚಿ ಕಚ್ಚಿ  ತಿಂದು ಮುಗಿಸುವ ಆಸೆ

ಕೈ ಮೇಲೆ ಕೈ ಇಟ್ಟು ಬೆರಳಿನ ಸಂಧಿಯೊಳಗೆ ಬೆರಳು ತೂರಿಸಿ

ಕೈಗಳ ಬೆಸೆಯುವ ಆಸೆ

ಕಣ್ಣಲ್ಲಿ ಕಣ್ಣಿಟ್ಟು ನೋಡುತ್ತಾ ಕಣ್ಣಲ್ಲೇ ಮಾತನಾಡುತ್ತಾ ಪೂರ್ತಿ ದಿನ ಕಳೆಯಬೇಕು

ಜೊತೆಗೆ ಹೃದಯದ ಬಡಿತ ಮನದ ಮಿಡಿತ ಕೇಳುತ್ತಾ ನನ್ನ ನಾನೇ ಮರೆಯುವ ಆಸೆ

ಹೂ ಆದಾಗಲೇ ಮಿಡಿಯಾಗಿ ಕಾಯಿಯಾಗಿ ಹಣ್ಣಾಗುವ ಕನಸು ಮರಕ್ಕೆ

ಭೂಮಿಯ ಮೇಲೆ ಸರ್ವ ಖುಷಿಯ ನಿನ್ನೊಂದಿಗೆ ಅನುಭವಿಸಿ ಸುಖಿಸಿ  ಸಾಯುವ ಆಸೆ

ಮೋಹ ಮದ ಮತ್ಸರ ಕಾಮ ಕ್ರೋಧ ಪ್ರೇಮ ಸಹನೆ ತಾಳ್ಮೆ ಕೋಪ ಭರವಸೆ

ಎಲ್ಲಾ ಗುಣಗಳ ನಿನ್ನೊಂದಿಗೆ ಹಂಚಿಕೊಂಡು ಬಾಳಲ್ಲಿ ಒಂದಾಗಿ ಬೆಸೆದು ಬದುಕುವ ಆಸೆ

ರಾತ್ರಿ ಆಗಲಿ ಹಗಲಾಗಲಿ ಮುಂಜಾನೆ ಮುಸ್ಸಂಜೆಯ ಸಮಯವೇ ಆಗಲಿ

ರಾಜ ರಾಣಿ ನಾವಾಗಿ ಬದುಕ ರಥವ ಮುಂದೆ ಮುಂದೆ ಮುನ್ನಡೆಸುವ ಆಸೆ

ತಾರೆಯ ತರುವ ಚಂದಿರನ ಮುಡಿವ ಮಂಗಳಕ್ಕೆ ಹಾರುವ ಆಸೆಯಿಲ್ಲ ನನಗೆ

ಸುಖ , ಶಾಂತಿ, ನೆಮ್ಮದಿ,  ಸಹಾಯ ಆರೋಗ್ಯ ಭಾಗ್ಯ ಸುಖ ದುಃಖವ ಹಂಚುವ ಆಸೆ

ದ್ವೇಷ ರೋಷ ಕೋಪ ಮತ್ಸರ ನಾನೇ ಎಂಬ ಅಹಂಕಾರ ಬರಬಾರದು ನಮ್ಮೊಳಗೆ

ನೀನು, ನೀನೆಂದರೆ ನಾನು ಎಂಬ ಪ್ರೇಮದ ಹನಿಯ ಭಾವ ಪಸರಿಸುವ ಆಸೆ

@ಹನಿಬಿಂದು@

02.04.2024