ಓಡೇ ಪೊಯ

ಓಡೆ ಪೋಯ

ನಮ ಎಲ್ಯ ಇಪ್ಪುನ ಕಾಲೊಡು

ಇತ್ತಿಜಿ ಮೊಬೈಲ್ ಟಿವಿ ಇಲ್ಲಡ್

ಆಂಡ ಪುರುಸೊತ್ತೆ ಇತ್ತಿಜಿ ನಮಕ್

ಗೊಬ್ಬುಲು ಗೊತ್ತಿತ್ತ ಭಾರಿ ಶೋಕುದ

ಕಲ್ಲ್ ಗೊಬ್ಬುನ ಮಸ್ತ್ ಪೊರ್ಲು

ಏನ್ ಕಲ್ಲುಲು ಇತ್ಂಡ ಯಾವು

ಅರ್ಧ ದಿನ ಕಳೆಯರೆ ಕೂಡುದು

ಈ ಗೊಬ್ಬು ಯಾನ್ ಲಾ ಗೊಬ್ಬುವೆ

ಒಂಜೆ ಚೆಂಡ್ ನಾಲ್ ಐನ್ ಕಲ್ಲ್

ಈತ್ ಇತ್ತಂಡ ಇಡೀ ದಿನ

 ಪೋವೊಂದು ಇತ್ತ್ಂಡ್ ಕುಸಿಟ್

ಏತ್ ಜೋಕ್ಲು ಬೋಡಾಂಡ ಇಪ್ಪಡ್

ಲಗೋರಿದ ರಡ್ಡ್ ಗುಂಪು ಲೆನೊಟ್ಟುಗು

ಒಂದೆ ತಪ್ಪು, ಒಂಜಿ  ರೌಂಡು ಒಯ್ತ್oಡ  ಆಂಡ್

ಮಸ್ತ್ ಜೋಕುಲು ಬೋಡು ಮಾತ್ರ

ರಡ್ಡ್ ಗುಂಪು ಕಟ್ಟದ್ ಸುರುವೆ

ರಡ್ಡ್ ರಡ್ಡ್ ಜನ ಪೋದು

ತಪ್ಪು ಏರೆಗ್ ತಿಕ್ಕುಂಡು 

ಆಯೆ ಮಲ್ಲ ಬಿರ್ಸೆ

ನನೊರಿ ಆಯನ್ ಔಟು ಮಲ್ಪೊಡು

ರೌಂಡುದ ಸುತ್ತ ಸುತ್ತ ಸುತ್ತೊಡು

ತಪ್ಪು ದೆಪ್ಪುನ ಸುಲಭ ಇಜ್ಜಿ.

ಒಂಜಿ ಕೊತ್ತಲಿಗೆ ತುಂಡು

ಬೊಕ್ಕ ಒಂಜಿ ಚೆಂಡ್ 

ಗಮ್ಮತ್ ಜೋಕುಲೆ ಕೂಟ

ಅವು ಇಡೀ ದಿನತ ಆಟ 

ಇತ್ತೆದ ಪುದರ್ ಗಲ್ಲಿ ಕ್ರಿಕೆಟ್

ಅಪಗ ಅವು ಕಿರ್ ಕಿಟ್!

ವಿಕೆಟ್ ಗ್ ಡಬ್ಬಿಲ ಆಪುಂಡು

ಕುಟ್ಟಿ ದೊನ್ನೆ ಏಪಾಂಡಲ

ಮರಪರೆಗ್ ಉಂಡಾ ಏರಾಂಡಲ

ಕುಟ್ಟಿ ಕೆತ್ತುನವ್ವೆ ಮಲ್ಲ ನ್ಯಾಕ್

ಆಯಗ್ ಭಾರಿ ಡಿಮ್ಯಾಂಡ್

ಕೋಲು ಶೋಕುದ ಬೋಡು

ದೊನ್ನೆ ತುಂಡಾಯರೆ ಬಲ್ಲಿ

ಶಕ್ತಿ ಅವೆತನೆ ಮಲ್ಲ ಅತ್ತೆ?

ಬೊಗೊರಿ ಅಂಗಡಿಡ್ದ್ ಕಾಸ್ ಕೊರುದು

ಕನಪಿನವು ಅತ್ತ್ ಏಪಲಾ

ಅಜ್ಜಿ ಕೊಯ್ದ್ ನುಂಗೆರೆ ಪಾಡಿನ 

ಬೊಗೊರಿ ಕಾಯಿ ಅವು

ಇಜ್ಜಿಡ ಬಜ್ಜೆಯಿಲ ಆಪುಂಡು

ಬಕ್ಕ್ ಬಲ್ಲ್ ಉದ್ದ ಬೋಡು

ಬಲ್ಲ್ ಇಜ್ಜಿಡಲ ಆಪುಜಾ

ನಮ್ಮ ಬೊಗೊರಿ ತಿರ್ಗುಜಾ

ಸೈಕಲ್ ಸವಾರಿ ಊರುಗು ಬತ್oಡ

ರಡ್ಡ್ ದಿನ ನಮ್ಮ ಆಟ ದೋಸ್ತಿನ 

ಆ ಪೊಟ್ಟು ಸೈಕಲ್ ದೊಟ್ಟುಗೆ

ಅವೆತ ಸವಾರಿ ಸದಾರ್ನ ಆವೊಂದಿತ್ತ್ oಡ್

 ಐನ್ ಬೀಜ ಒಂಜಿ ಒಡ್ಡಿ

ಅವೆಟ್ ಐವ ಬೀಜ ಗೆಂದ್ ದ್

ಒಂಜಿ ಕಿಲ ಮಲ್ತ್ ಮಾರುನ

ಎಡ್ಡೆ ಕಾಸ್ ಮಲ್ಪುನ ಆಟ

ಬೀಜ ನೋಟಾವುನ ಗೊಬ್ಬು

ಗೆಂದಿನಾಯಗ್ ಬೀಜ ಪೋಂಡು

ಇನಿ ಕೆಲವು ಬೀಜೋಲು ಪೋಯಡ

ಎಲ್ಲೆ ಪಿರ ದೆಪ್ಪುನಾಯೆ ಯಾನೆ

ಕಂಡ್ ಕುಲ್ಲುನ ಆಟದ ಕುಸಿಕ್

ಮೇರೆ ಮಿತಿ ಇಜ್ಜಪ್ಪ

ಬೀಜದ ಮರತ ಕೊಡಿಟ್

ಕುಕ್ಕುದ ಮರತ ಅಡಿಟ್

ಗೋಲಿದ ಮರತ ನಡುಟು

ಮಂಡೆದ ಉಲಯಿಡ್

ಬೈ ಪನೆದ ಕಲ್ಲ್ ದ  ಬರಿಟ್

ಕಿದೆಟ್ ಪೆತ್ತದ ಬಲ್ಲ್ ದ ಇಡೆಟ್

ಪರತ್ ಬೂಕು ಇತ್ಂಡ

ಪುಟ ಗಮ್ಮತ್ ಇತ್ಂಡ

ಸೆಟ್ ಆಟದ ನೋಟ

ಲೆಕ್ಕೊಡು ಉಸಾರ್ ದಾಯೆ

ಬರೆದ್ ದೀಯರೆ

ನಾಲ್ ನಾಲ್ ಚೀಟ್ 

ಒರಿಯಗ್ ಒರಿ ಕೊರೊಡು

ನಾಲ್ ಒಂಜೇ ಲೆಕ ಬತ್ತಿನಾಯೆ ವಿನ್

ಆಯೆ ಸುರುಕು ಸೆಟ್ ಪಂದ್ 

ಕೈ ದೀಯರೆ ಮಿತ್ ಒರಿನಕ್ಲು

ಕೈ ಮಿತ್ ಬತ್ತಿಲೆಕನೆ ಮಾರ್ಕ್ ಕಮ್ಮಿ

ಉಸಾರ್ ಬೋಡು ಬಾರೀ

ಕಳ್ಳ ಪೋಲಿಸ್ ಆಟ ನೆಂಪುದ

ನೆಕ್ ನಾಲೇ ಚೀಟ್

ರಾಜೆ ಬತ್ತಿನಾಯೆ ಮೀಸೆ ತಿರ್ಗಾವುನಿ

"ಯಾರೋ ಪೋಲಿಸ್ ?"

"ನಾನೇ ಪೋಲಿಸ್"

"ಕಳ್ಳನನ್ನು ಹುಡುಕಿ ಕೊಡು"

ಇತ್ತೆ ಸುರು ಇತ್ತಿನ ರಡ್ ಮೂಜಿ

ಜನಟ್ ಕಲ್ವನ್ ಪತ್ತೊಡು

ಇಜ್ಜಿಂಡ ಸೊನ್ನೆ ಮಾರ್ಕ್

ವಾ ಕಷ್ಟದ ಬೇಲೆ ಅವು!

ನಮ್ಮ ಜೋಕುಲಾಟಿಗೆದ ಕುಸಿ

ನಮ್ಮ ಜೋಕ್ಲೆಗ್ ಇಜ್ಜಿ

ಇಲ್ಲ್ ಬರಿಟೆ ಇತ್ತ್ oಡಲಾ ಜೋಕ್ಲೆನ 

ಗುಂಪು ಒಟ್ಟಾದ್ ಇತ್ತೆ ತೋಜ್ಜಿ

ಮೊಬೈಲ್ ಡ್ ಕಂಪ್ಯೂಟರ್ಡ್ ಅಕ್ಲು

ಮುರ್ಕು ಪೋವೊಂದು ಉಲ್ಲೆರ್

ಆಟ ಪಂಡ ಕೋಚ್ ಬೋಡು!

ಕುಸಿ ಪಡೆಯರೆ ಒಟ್ಟಾಯರೆ

ತಾಳ್ಮೆಲಾ ಇಜ್ಜಿ ಗೊತ್ತು ಬೋಡೆ?

ನಮ ಮಲ್ಲಕ್ಲು ಬುಡೊಡೆ!

@ ಹನಿಬಿಂದು@

16.05.2024