ಮುಂಜಾವಿನ ಮುನ್ನಡಿ
ಮರೆಯದಿರಿ
ಮರೆಯದಿರು ಮಗುವೇ
ಮನದಿ ಮತ್ತೆಂದೂ
ಮರವನ್ನು ಬೆಳೆಸಿ
ಮರುಜನುಮ ಮಾಡಿದವರ,
ಮಗ-ಮಗಳೆನ್ನದೆ ಮರುಕಪಡದೆ
ಮುದ್ದು ಮಣಿಯಾಗಿ ಮಾಡಿದವರ,
ಮನಸ್ಸ ತಿದ್ದಿ ತೀಡಿ ಮುತ್ತಿಟ್ಟವರ,
ಮರುಳಾಗದೆ ಮಂಕುಬುದ್ಧಿಗೆ
ಮಗುವ ಮರೆಯದೆ
ಮಾತು ಮೊಗೆದುಕೊಟ್ಟವರ,
ಮಗ್ಗದುಡುಪು ಹಾಕಿ ಮನಸ್ಸಂತೋಷ ಪಟ್ಟವರ,
ಮಧುವ ನೀಡಿ ಮದ್ದುಕೊಟ್ಟವರ,
ಮಳೆಗಾಲದಿ ಮರದಂತೆ ಮನೆಯಾದವರ,
ಮಾನ-ಮರ್ಯಾದೆಯ
ಮಾತು ಕಲಿಸಿ,
ಮಂತ್ರ-ಮಹಿಮೆ ಮರೆಯದೆ ತಿಳಿಸಿ,
ಮನೆಯೆ ಮಹಾಶಾಲೆ
ಮಾಡಿದ ಮಹನೀಯರ!
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ