ನಮ್ಮ ತುಳುನಾಡ ಗೊಬ್ಬುಲು
ತುಳು ನಾಡ್ದ ಕಲೊಟು ಕಾಲ ಕಾಲೊಗು ಮಸ್ತ್ ಗೊಬ್ಬುಲು ದುಂಬುಡ್ದ್ ಬೊಕ್ಕಲಾ ನಡತೊಂದು ಬೈದ್ಂಡ್. ಒಂಜಿ ಕಾಲೊಡು ರೇಡಿಯ, ಟಿ,ವಿ, ಮೊಬೈಲ್ ಪೂರ ದಾಂತಿನ ಸಮಯೊಡು ಖುಷಿಕ್ಕಾದ್ ಜನೊಕ್ಕುಲು ಗೊಬ್ಬು, ಅಂಕ, ಆಯನೊಲೆನ್ ಮಲ್ತ್ ಪೂರ ಒಟ್ಟು ಸೇರ್ದ್ ಖುಷಿ ಪಡೆಯೊಂತೆರ್. ಕಾಲ ಪೋಯಿಲೆಕ್ಕೊನೆ ಟಿವಿ, ಮೊಬೈಲ್ ಬತ್ತ್ಂಡ್, ಪಿದಾಯಿತ್ತಿ ಜನ ಉಳಯಿ ಸೇರೊಂಡೆರ್.
ಗೊಬ್ಬುಲೆನ ಬದಲ್ ಗ್ ವೀಡಿಯೋ ಗೇಮ್, ಮೊಬೈಲ್ ಗೇಮ್ ಪೂರಾ ಬತ್ತ್ಂಡ್, ಬ್ಯಾಟ್ ಬಾಲ್ ಲಾ ಕೋಡಿ ಸೇರ್ದ್ಂಡ್.. ಆಂಡ ಆ ಗೊಬ್ಬುಲೆನ್ ನಮ ಮರತ್ ಬುಡಂದೆ, ಅವೆಕ್ಲೆನ್ ಪೂರಾ ಒರ ನೆನಪು ಮಲ್ತೊನ್ಗನಾ..
1.ಕುಂಟಬಿಲ್ಲೆ
ಚೇಪಟ್ಟೆದ ಕಲ್ಲ್ ಅತ್ತ್ಂಡ ಓಡುದ ತುಂಡುನು ನೆಲಟ್ ಗೆರೆ ಪಾಡ್ದ್ ಮಲ್ತಿನ ಕೋಣೆದುಲಾಯಿ ದಕ್ಕ್ ದ್ ರಡ್ಡ್ ಕಾರ್ ಲಾ ಒಟ್ಟಿಗೆ ಪಾಡ್ದ್ ಲಾಗ್ಯೊಂದು ಪೋಪಿನ ಗೊಬ್ಬು ಅಂದು. ಒಂಜೆ ಕಾರ್ಡ್ ಕೋಣೆಡ್ದ್ ಕೋಣೆ ಲಾಗ್ಯೆರೆಲಾ ಉಂಡು. ಕಲ್ಲನ್ ದುಂಬುದ ಕೋಣೆಗ್ ಒಂಜೆ ಕಾರ್ ಡ್ ನೂಕೊಡು. ಆಂಡ ಕಲ್ಲ್ ಪಾಡ್ನಗ ಆವಡ್, ನೂಕ್ನಗ ಆವಡ್ ಗೆರೆಡ್ತ್ ಪಿದಾಯಿ ಪೋಂಡ ಆಯೆ ಆಟಡ್ತ್ ಔಟಾಪೆ.
2. ಕುಟ್ಟಿದೆಣ್ಣೆ
ಈ ಆಟ ಭಾರತದ ಮೂಲೆ ಮೂಲೆಡ್ಲಾ ಪುದರ್ ಪೋಯಿನವು. ಹಿಂದಿಡ್ ಆಮಿರ್ಖಾನ್ ನ ಒಂಜಿ ಪಿಕ್ಚರೆ ಉಂಡು ಉಂದೆತ್ತ ಬಗ್ಗೆ. ದೊಣ್ಣೆಡ್ ಕುಟ್ಟಿನ್ ಲಕ್ಕಾದ್ ರನ್ ಮಲ್ಲುನ ನಮ್ಮ ದೇಸೀ ಆಟ.
3. ಲಗೋರಿ-ಕಲ್ಲನ್ ಮೇಲ್ ಮೇಲ್ ಕಟ್ಟ್ ದ್ ಚೆಂಡ್ ಡ್ ಅವೆನ್ ಹಾಕ್ದ್ ಬೂರಾದ್ ಟೀಮ್ದಕ್ಲು ಎದ್ರ್ ಗುಂಪುದಕ್ಲೆನ ಚೆಂಡ್ಗ್ ತಿಕ್ಕಾಂದೆ ಬಲಿತ್ದ್ ಕಟ್ಟೊಡು.
ಇಂಚಿನ ಗೊಬ್ಬುಲ್ನ ಒಟ್ಟಿಗೆ ಟಯರ್ ಬುಡ್ ಪಿನಿ, ಕೊತ್ಲಾಯ್ದ ಕ್ರಿಕೆಟ್, ತಪ್ಪುದ ಬೀಡಿ, ಖೋ,ಕಬಡ್ಡಿ, ಕಲ್ಲಾಟ ಪೂರಾ ನಮ್ಮ ಗ್ರಾಮೀಣ ಕ್ರೀಡೆಲು.
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ