210. ಶಿವಸ್ತುತಿ-25

25. ಮಹೇಶ ದೇವ

ಜಯ ಮಹೇಶ ಜಯ ಮಹೇಶ
ಜಯ ಮಹೇಶ ದೇವ
ಸತಿ ಪಾರ್ವತಿ, ಮಗ ಗಣಪನು
ಷಣ್ಮುಖರೊಂದಿಗೆ ಚೆನ್ನಾಗಿರು ದೇವ //

ಹಣೆಗಣ್ಣ ಮುಕ್ಕಣ್ಣ ಎಂದು ನಿನ್ನ ಕರೆವರು
ಬಿಕ್ಷೆಬೇಡಿ ಎಲ್ಲ ಕಾಯಕ ಶ್ರೇಷ್ಠವೆಂದ ದೇವ
ಜಲಗಾರನೆಂದು ಕರೆಸಿಕೊಂಡು ಮೆರೆದ  ಓ ದೇವಾ
ಗಣೇಶನಿಗೆ ಆನೆಶಿರವ ಜೋಡಿಸಿದ ದೇವ//

ಭಕ್ತಿಯಿಂದ ಪೂಜೆಗೈವೆ ನೀಡುವರವ ದೇವಾ
ಮನವ ಶುದ್ದಿ ಮಾಡಿಕೊಳ್ಳುವೆ ಕೊಡೋ ವರವ ದೇವ…
ದುರ್ಗಾಪತಿ, ಉಮಾಮಹೇಶ ಈಶ್ವರ ದೇವಾ
ವಿಘ್ನೇಶ್ವರ, ನೀಲೇಶ್ವರ ಪಂಚಲಿಂಗೇಶ್ವರ ದೇವ//

ವಿಷವ ಕುಡಿದು ನೀಲಕಂಠ ಎನಿಸಿಕೊಂಡ ದೇವ
ರಕ್ಷಿಸೆಮ ಬೇಡುವೆವು ಅನವರತಾ ದೇವ
ಭಕ್ತಿಗೆ ಮೆಚ್ಚಿ  ಆತ್ಮಲಿಂಗವ ದಾನವಿತ್ತ ದೇವ
ಭಕುತರನ್ನು ಕಾದು ಪೊರೆವ ಮಹೇಶ್ವರ ದೇವ //
@ಪ್ರೇಮ್@