ಒಂದಿಷ್ಟು ರೀಲ್ಯಾಕ್ಸ್ ತಗೊಳ್ಳಿ-28
ದಯವಿಟ್ಟು ಹಳ್ಳಿಗಳ ಸಣ್ಣ ಸಣ್ಣ ಅಂಗಡಿಗಳಲ್ಲಿ ಅರ್ಜೆಂಟ್ ಅರ್ಜೆಂಟಲ್ಲಿ ಮನೆಗೆ ಬೇಕಾದ ಸಾಮಾನು ಖರೀದಿಸುವವರಿಗೆ ನನ್ನ ಕಿವಿಮಾತು. ಆಹಾರದ ವಸ್ತುಗಳ ಬಳಕೆಯ ಕೊನೆಯ ದಿನಾಂಕವನ್ನು ಮತ್ತೆ ಮತ್ತೆ ಪರೀಕ್ಷಿಸಿ. ಹಾಲು, ಮೊಸರು, ಬನ್ನು, ಬ್ರೆಡ್ಡು, ಚಕ್ಕುಲಿ, ಮಿಕ್ಸರ್... ಹೀಗೆ ಅಂಗಡಿಯಿಂದ ತೆಗೆದುಕೊಂಡು ಹೋಗುವ ಮೊದಲೇ ಅದು ಎಷ್ಟು ದಿನ ಹಳೆಯದು, ಫ್ರೆಶ್ ಸ್ಟೋಕ್ ಇದೆಯೇ ಎಂದು ನೋಡಿ ತೆಗೆದುಕೊಳ್ಳಿ. ಇಲ್ಲದಿದ್ದರೆ ಅದು ಫುಡ್ ಪಾಯಿಸನ್ ಆಗಬಹುದು. ಹೊಟ್ಟೆ, ಜಠರ ಕೆಟ್ಟು ಹೋಗಬಹುದು.
ಸಿಹಿತಿಂಡಿ ಕೂಡಾ. ಯಾರದೋ ಮನೆಯ, ನಿಮ್ಮ ಮನೆಯ ಕಾರ್ಯಕ್ರಮ ಮುಗಿದ ಬಳಿಕ ಉಳಿದ ಸಿಹಿತಿಂಡಿಯನ್ನು ಹಲವಾರು ದಿನಗಳ ಕಾಲ ಇಟ್ಟು ನಂತರ ತಿನ್ನ ಬೇಡಿ.
ಹೊಟ್ಟೆ ಡಸ್ಟ್ ಬಿನ್ ಅಲ್ಲ, ಅದರ ಕೆಲಸಕ್ಕೆ ಹಿತಮಿತವಾದ ಚೊಕ್ಕಟ ಆಹಾರ ಬೇಕು. ಸಿಕ್ಕಿದ್ದೆಲ್ಲಾ ತಿನ್ನ ಬಾರದು. ರುಚಿ ಇದೆಯೆಂದು ನಿತ್ಯ ಹೋಟೆಲಿನ, ಚಾಟ್ಸ್, ಚಿಪ್ಸ್, ಲೇಸ್ ನಿತ್ಯ ಮಕ್ಕಳಿಗೆ ತೆಗೆದು ಕೊಡುತ್ತಿದ್ದರೆ ಅವರು ಖುಷಿಪಟ್ಟು ತಿನ್ನುವರು. ಆದರೆ ನಿಮ್ಮ ಮಕ್ಕಳಿಗೆ ನೀವೇ ಸ್ಲೋ ಪಾಯಿಸನ್ ಕೊಟ್ಟಂತಾಗುತ್ತದೆ. ಮಕ್ಕಳು ಕೇಳುತ್ತಾರೆಂದು ಕುಡಿಯಲು ಸ್ಪ್ರೈಟ್, ಲೇಸ್ ಕೊಡದಿರಿ. ಮಕ್ಕಳನ್ನು ಸುಮ್ಮನೆ ಕೂರಿಸಲು ಮೊಬೈಲ್, ಐಸ್ ಕ್ರೀಮ್ ಸದಾ ಕೊಟ್ಟು ಬಿಡುವುದೂ ಒಳಿತಲ್ಲ.
ಟೇಸ್ಟ್ ಪೌಡರ್ ಅಜಿನಮೊಟೋ ಜಠರದ ಹಲವಾರು ರೋಗಗಳನ್ನು ಉಂಟುಮಾಡುತ್ತದೆ. ಮುಂದೊಂದು ದಿನ ಬರೀ ಗಂಜಿ ಕುಡಿಯುವ ಕಾಲ ಬರುವುದಕ್ಕಿಂತ ಮೊದಲು ಎಚ್ಚೆತ್ತುಕೊಳ್ಳಿ. ನಾಲಗೆಯ ದಾಸರಾಗದಿರಿ. ನಮ್ಮ ಆರೋಗ್ಯ ನಮ್ಮ ಕೈಲಿರಲಿ. ನೀವೇನಂತೀರಿ?
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ