ಏತಕೆ ಬೇಕು
ಹೃದಯದಿ ದ್ವೇಷವ ಬೆಳೆಸುತಲಿದ್ದು
ಮನದೊಳು ರಕ್ತವು ಕುದಿಯುತಲಿದ್ದು,
ನಾಲಗೆ ಸವಿಯನು ನುಡಿಯದ ಮೇಲೆ
ದೇಹಕೆ ಶೃಂಗಾರವೇತಕೆ ಹೇಳಿ??
ಭಾವನೆ ಹಿತಕರ ಇಲ್ಲದ ಬದುಕಲಿ
ಮನಸಿನ ನೆಮ್ಮದಿ ಕದಲದೆ ಇದ್ದು
ವಿಧವಿಧ ಭಕ್ಷ್ಯವ ಸವಿದರೆ ಏನು
ಮನದಲಿ ಶೃಂಗಾರವಿಲ್ಲದ ಮೇಲೆ!???
ನವಿಲಿನ ನಾಟ್ಯವನಾಡಿದರೇನು!?
ವೇದಿಕೆಯಲಿ ಬೊಗಳೆ ಬಿಗಿದರೆ ಏನು?
ಹೃದಯದಿ ಪ್ರೀತಿ ಇಲ್ಲದ ಮನುಜಗೆ
ಮುಖ-ಬಟ್ಟೆಯ ಶೃಂಗಾರವೇಕೆ?
ನದಿ ಕಡಲನು ಸೇರುವ ತವಕದಿ
ಗುಣಗಳ ಮನದಲಿ ಸೇರಿಸಬೇಕು
ಇತರಗೆ ಕೆಟ್ಟದು ಬಯಸುವ ದೇಹಕೆ
ಬಾಹ್ಯ ಶೃಂಗಾರವು ಬೇಕೇ ಬೇಕೇ?
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ