ಕೊಡಗಿನ ಪರಿ
ತಾಯೆ ನಿನ್ನ ಮುನಿಸಿನಲಿ
ಕೊಡಗು ಹೋಯಿತು ಕೊಚ್ಚಿ..
ಜನರ ಜೀವನವಾಯ್ತು ನುಚ್ಚು
ಹೆಣಗಬೇಕಾಯ್ತು ಬದುಕು..//
ಏನೀ ತರ ಪರಿಯ ಮಳೆಯು
ನಿಂತು ನಿಲ್ಲದ ಧರೆಯು
ಉರುಳಿದವು ಮನೆ ಮಠವು
ದಾರಿ, ಬೆಟ್ಟವು ತುಂಡಾದವು//
ನೀರು ಉಕ್ಕಿತು, ಗಾಳಿ ಬೀಸಿತು
ತಿರೆಯು ಶಕ್ತಿಯಲಿ ಸೋತಿತು..
ಪ್ರಾಣಿ ಪಕ್ಷಿ ಜೀವ ಜಂತುವು
ನಿನ್ನ ಪಾದವ ಸೇರಿತು...//
ಮನೆಯು ತೇಲಿತು, ಮನವು ಬಾಡಿತು
ಮಾಡಿದೆಲ್ಲವು ಹೋಯಿತು..
ಚಲನೆ ನಿರಂತರ, ಗಳಿಗೆ ಕ್ಷಣವೂ
ಪ್ರಕೃತಿ ಶಕ್ತಿಯ ತೋರಿತು...//
ಮೌನವಾದ ಮಾತೆಯೂ ಒಮ್ಮೆ
ತನ್ನ ಕೋಪವ ಹೊರಗೆಡಹ್ವಳು
ಮಕ್ಕಳ ತಪ್ಪನು ಕ್ಷಮಿಸಿ ಕೊನೆಯಲಿ
ಚಾಟಿಯಲೆರಡು ಬಿಗಿವಳು...//
@ಪ್ರೇಮ್@
1.2.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ