ನಾವು ಬಾಳುವೆವು
ಎಡಗಡೆ ಬಲಗಡೆ ಮಕ್ಕಳ ಕಾವು
ಬಿಟ್ಟು ಹೋದಿರಿ ನಮ್ಮನು ತಾವು
ನಿಮ್ಮಯ ನೆನಪಲೆ ನಾವು ಬದುಕುವೆವು
ತಲೆಯನು ಎಂದೂ ಯಾರಿಗೂ ಬಾಗಲಾರೆವು//೧//
ಸಮಾಜ ಏನಾದರೂ ಹೇಳಿಕೊಳ್ಳಲಿ
ಬಾಳುವ ನಿಯಮವು ತಿಳಿದಿದೆ ನಮಗೆ
ಹೆಣ್ಣು ಮಕ್ಕಳು ಯಾರಿಗೇನು ಕಡಿಮೆ
ಬಾಳುವೆ ದುಡಿಯುತ ಮಕ್ಕಳ ಸಾಕುತ//೨//
ನನ್ನಯ ನೋವು ನನಗೇ ಇರಲಿ
ಮಕ್ಕಳ ಜೀವನ ಖುಷಿಯಲಿ ಕಳೆಯಲಿ
ದುಡಿದು ಗಳಿಸುತ ಕಂದರ ಓದಿಸಿ
ತಮ್ಮಯ ಕಾಲಲಿ ತಾವು ನಿಲ್ಲಲಿ//೩//
ಸಮಾಜದಿ ಅವರು ನೀತಿಯ ಕಲಿಯಲಿ
ತಾಯಿಯ ಋಣವ ಪ್ರೀತಿಯಲಿ ತೀರಿಸಲಿ
ಬಡವರಿಗೆಂದೂ ಸಹಾಯ ಮಾಡಲಿ
ನೆಮ್ಮದಿಯಿಂದ ನೋವನು ಮರೆಯಲಿ//೪//
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ