732. ಸ್ವಗತ

ಸ್ವಗತ

ಭೂಮಿಗೆ ಹೆಣ್ಣನು ಹೋಲಿಪರಿಹರು
ನಾನಾರಿಗೆ ಜಗದಲಿ ಹೋಲಿಕೆಯೋ..

ಭಾನಿಗೆ ಪುರುಷರ ಹೋಲಿಸಿ ಕರೆವರು
ಜಗದಿ ನಾನಾರಿಗೆ ಹೋಲಿಕೆಯೋ..

ಹೆಣ್ಣೂ ಅಲ್ಲದೆ ಗಂಡೂ ಅಲ್ಲದೆ
ಸೃಷ್ಟಿಯು ದೇವನ ಜಗದೊಳಗೆ

ಮನುಜನ ಹೃದಯದಿ ಅಸೆಯ ಬಿತ್ತಿ
ದೇಹವ ಬದಲಿಸಿ ಪರೀಕ್ಷಿಪುದೇ..

ಮಂಗಳಮುಖಿಯೆಂಬ ನಾಮವ ಕಟ್ಟಿ
ಬದುಕಲು ಬಿಡದೆ, ಬಾಳಲು ಬಿಡದೆ

ಸತಾಯಿಸುವ ಜನಮನ ಹಲವಾರು...
ವಕ್ರ ದೃಷ್ಟಿಯದು ಎದುರಿಸಬೇಕು  ನೂರಾರು..

ಸೃಷ್ಠಿಪ ದೇವನೆ ನಮ್ಮಯ ತಪ್ಪು
ಏನದು ನಮಗೆ ಇನ್ನೂ ತಿಳಿದಿಲ್ಲ..

ನಿನ್ನಲೆ ಜನನ ನಿನ್ನಲೆ ಮರಣ
ಸಮರಸ, ಸಮಾನತೆ ಬೇಕಲ್ಲವೆ ದೇವಾ..
@ಪ್ರೇಮ್@