ಕಲಿ
ದಿಕ್ಕು ದೆಸೆಯಿಲ್ಲದ ಅದೆಷ್ಟೋ ಜೀವಿಗಳು!
ಧರೆಗೆ ಬಂದಿವೆ ತೆರಳುವವರೆಗೆ ಬದುಕಲಿವೆ!
ಹಸಿವಾದಾಗ ಸಿಕ್ಕಿದ್ದ ತಿನ್ನುವುದು, ನೀರು ಕುಡಿಯುವುದು!
ಉಸಿರಾಟದ ಗಾಳಿ ಹೇಗೂ ಪ್ರಕೃತಿ ಕೊಡುವುದು!
ನಿದ್ದೆ ಮಾಡಿ ಎದ್ದು ಕುಳಿತು ದಣಿವಾರಿಸುತ್ತಾ,
ಊರೂರು ಅಲೆದು ನೋಡಿಕೊಂಡು ಸಂಭ್ರಮಿಸುತ್ತಾ..
ವಿದ್ಯೆ, ವಿನಯದಾಲೋಚನೆಗಳ ಮರೆತು ಬಿಡುತ್ತಾ..
ಮೌನದಲ್ಲೆ ಬದುಕನೆಲ್ಲ ತೇದು ಬಿಡುತ್ತಾ...
ಯಾವ ದಿಶೆಯು ಆದರೇನು ಗುರಿಯು ಇಲ್ಲದವಗೆ?
ಯಾವ ಅನ್ನವಾದರೇನು ಹಸಿವೆ ಇಲ್ಲದವಗೆ!
ಯಾವ ಜನರೆ ಆದರೇನು ಭಾವಗಳಿಲ್ಲದವಗೆ?
ಯಾವ ಮಂತ್ರವಾದರೇನು ಭಕ್ತಿ ಇಲ್ಲದವಗೆ?
ಗುರಿಯು ಮುಖ್ಯ ಬಾಳಿನಲ್ಲಿ ಆಕಾಶದೆತ್ತರವದು!
ಗೂಡ ಸೇರಿ ಕುಳಿತರಲ್ಲ,ಹಾರಾಟ ಕಲಿಯುವುದು!
ಮೇಲೆ ಕೆಳಗೆ ಹಾರಬೇಕು, ನಿತ್ಯ ಕಲಿಯಬೇಕು!
ಜೀವಿಗಳಿಗೂ ಸಮಾನವಾಗದು ಕಲಿಕೆ ಇಲ್ಲದ ಬದುಕು!!!
@ಪ್ರೇಮ್@
19.02.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ