ವಿಚಿತ್ರ
ಭಗವಂತನ ಸೃಷ್ಟಿಯದು ತುಂಬಾ ವಿಚಿತ್ರ!!
ನಿಮ್ಮನ್ನೇ ಸರಿಯಾಗಿ ಗಮನಿಸಿಕೊಳ್ಳಿ!!
ಇತರರಂತೆ ನೀವಿಲ್ಲ, ಇತರರ ಬದುಕಂತೆ ನಿಮ್ಮ ಬದುಕಲ್ಲ!!
ನಿಮ್ಮ ಬದುಕ ಮೇಲೊಂದು
ಚಲನಚಿತ್ರವನೆ ಮಾಡಬಹುದು!
ಕಷ್ಟ ಸುಖಗಳ ಕೂಡುವಿಕೆಯೇ ಆದರೂ
ಜಗದಲಿ ಅದು ವಿಭಿನ್ನ, ಬೇರೆಯೇ!!
ನೀವದನ್ನು ಕನಸಿನಲ್ಲೂ ಕಂಡಿರಲಿಲ್ಲ!!
ಯಾವ ಕತೆಯಲ್ಲೂ ಓದದ, ಯಾವ ಚಲನ ಚಿತ್ರದಲ್ಲೂ ಕಾಣದ,
ವಿಭಿನ್ನ ಕಲಾಕೃತಿ ನಿಮ್ಮ ಬಾಳುವೆ!!!
ಬದುಕೆಂದರೆ ಬವಣೆಯಂತೆ, ಬಡಾಯಿಯಂತೆ
ಕಲಿಕೆಯಂತೆ, ಕಾರ್ಯವಂತೆ!!
ಬದುಕೆಂದರೆ ವಿಧಿ ಲೀಲೆಯ
ಭಗವಂತನ ಸೃಷ್ಟಿಯ ಮಹಾಕಾವ್ಯ!!!
ಬಾಳದುವೆ ನೀರ ಮೇಲಿನ ಗುಳ್ಳೆಯ ಮಹಾ ಧೈರ್ಯ!
ವೇಷ ಭೂಷಣ ಏನಿದ್ದರೂ ಸಮಾಜದಿ ಎಲ್ಲರು ಒಂದೇ..
ಪ್ರೀತಿಯ ಸವಿಯಲಿ ಕರಗುವ ಜನರೊಂದೇ...
ನಾ ಎಲ್ಲೇ ಇರೆ ಹುಡುಕುತ ಬರುವ ಜನರೊಂದೇ...
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ