ಹಾಡಿನ ಹಂಬಲ
ಕಂಚಿನ ಕಂಠದ ಮಿಂಚಿನ ಮಾಲೆ
ನಿನ್ನಯ ರಾಗವ ಕೇಳಿಸೆಯಾ?
ವಂಚಿತ ಮನದ ಹಿಂದೋಡುವ ಬಾಲರಿಗೆ
ನಿನ್ನಯ ಜ್ಞಾನವ ಕಲಿಸುವೆಯಾ?//
ಕೋಲ್ಮಿಂಚಿನ ತುದಿಗೆ ರಾಗವ ಕಟ್ಟಿ
ನೂಪುರದಿ ಅದ ಎಳೆಯುವೆಯಾ?
ಮನದ ಸಾಗರದಿ ಏಳಲಿ ಅಲೆಗಳು
ದಡಕೆ ತಂದಪ್ಪಳಿಸಿ ಓಡಿಸೆಯಾ?//
ಪದರ ಪದರವಾದ ರಾಗ ತರಂಗದಿ
ಮೈಮನವೆಲ್ಲ ನವಿರೇಳಿಸ ಬಾ,
ಹಾಡಿ ರಾಗ ಲಯ ತಾಳದ ನಡುವಲಿ
ಮುಳುಗಿ ಹೋಗುವಂತೆ ಹಾಡಲು ಬಾ..//
ಮೋಡ ರಾಶಿಗೆಲ್ಲ ಗುಡುಗಲು ಹೇಳಿ
ವರ್ಷ ಧಾರೆಯನು ಸುರಿಸುವೆಯಾ!
ಹಾಡ ಮೋಡದಲಿ ನೆಮ್ಮದಿ ಕಾಣುತ
ಮನಕೆ ಮಳೆಯ ತಂದು ಹರಸುವೆಯಾ!//
@ಪ್ರೇಮ್@
16.07.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ