ಐಕ್ಯತೆ
ಹಿಂದೂ ಬೌದ್ಧ ಮುಸಲ್ಮಾನನು ನಾನು
ಕ್ರೈಸ್ತ ಪಾರ್ಸಿ ಜೈನನು ನಾನು
ಸರ್ವರಿಗೊಂದೇ ಕೆಂಪನೆ ರಕುತವು
ಸರ್ವರ ನೋವಿಗೂ ಪ್ರೀತಿಯೇ ಮದ್ದು..
ಮುದ್ದಿಗೆ ಇಲ್ಲವು ಯಾವುದೇ ಧರ್ಮ,
ಪಂಚ ಭೂತಗಳಿಗ್ಯಾವುದು ಧರ್ಮ?
ಗಾಳಿ ನೀರು ಅಗ್ನಿ ಆಕಾಶ ಭೂಮಿಯಲಿ
ಮಾನವರೆಲ್ಲ ಒಂದೇ ಅಲ್ಲವೇ..
ಸುಡಬೇಕು ಅಂತರಂಗದ ದ್ವೇಷ
ಸುರಿದು ಹೋಗಲಿ ರೋಷದ ಮಳೆಯು
ಉಸಿರಾಡಲಿ ಭಾರತ ಮಾತೆಯ ಗಾಳಿ!
ದೇಹಕೆ ಹೋಗಲಿ ರೈತನ ಬೆಳೆಯು..
ಯೋಧಗೆ ಗುರುವಿಗೆ ಜಾತಿಯು ಇಹುದೇ
ಡಾಕ್ಟರ್ ಲಾಯರ್ ಧರ್ಮವ ನೋಡುವುದೇ
ದ್ವೇಷದ ಕಿಡಿಯನು ಆರಿಸಿ ಬಿಡುತಲಿ
ಶಾಂತಿ ನೆಮ್ಮದಿಯು ಎಲ್ಲೆಡೆ ಹರಿಯಲಿ..
@ಪ್ರೇಮ್@
15.08.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ