ಬದುಕ ಗಾಲಿ
ಮೋಡಗಳಲಿ ತೇಲುತ ಜಾರಿ ಜಾರಿ
ತಂಗಾಳಿಯಲಿ ಈಜುತ ಹಾರಿ ಹಾರಿ.//
ಮಂಜಿನಲಿ ಹೋಗುತ ಬಾರಿ ಬಾರಿ..
ಹುಡುಕುತಲಿ ಸಾಗುತ ದಾರಿ ದಾರಿ.....//
ಹಾರುವ ಜಾರುವ ಬಾರಿಯು ಹುಡುಕುವ!
ಬದುಕಿನ ಮೂರು ದಿನಗಳ ಯಾತ್ರೆಯ,
ಮನುಜನು ಸಾಗಿಸ ಬೇಕದು ಸರಿಯಲಿ!
ಬೆಳಗಿಸ ಬೇಕು ದಿನಗಳ ಜೊತೆಯಲಿ.//
ಮಾತಿನ ಎದುರು ಮೌನಕೆ ಬೆಲೆಯು!
ಕನಸನು ಕಟ್ಟಿದ ಮೋಹಕ ಸೆಳೆಯು,
ನಿಜ ಸುಳ್ಳುಗಳ ಮಾತಿನ ಮಿಳಿತವು!
ನನಗೆ ನೀನು ಎನುವ ಸಂಬಂಧವು!//
ಮೌಲ್ಯದ ಬಾಯಿಗೆ ಬೆಲೆಯು ಇಹುದು,
ಕೌಶಲ್ಯದ ಕೈಗೆ ತಾಳ್ಮೆಯು ಬರುವುದು!
ಸೋಲು ಗೆಲುವಿನ ಬದುಕ ಬಂಡಿಗೆ
ನಾವಿಕ ನಾವಾಗಿ ಉರುಳಿಸಲಿಹುದು!//
@ಪ್ರೇಮ್@
18.07.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ