1384. ಸುಮಧುರ ಬದುಕು

*ಸುಮಧುರ ಬದುಕು*

*ಸಮರವು ಬೇಡವು ಸುಮಧುರ ಬಾಳಲಿ*

*ಸಮರಸ ಜೀವನ ನಡೆಸುವ ಸಾಲಲಿ*//

*ಮನದಲಿ ಸಂತಸ ಮನೆಯಲಿ ಸಾಹಸ*

*ಉತ್ಸಾಹ ತರುತಲಿ ನವೀನ ಭಾವಕೆ*

*ವದನದಿ ನಗುವೂ, ಮಾತಲಿ ಸತ್ಯವು*

*ಸುಖಮಯ ಜೀವಕೆ ಬೇಕದು ನಿತ್ಯವು*//

*ನೀತಿಯು ಇರಲು ಪ್ರೀತಿಯ ಮಾತದು*

*ಸೂಕ್ತವು ಜಗದಲಿ ಚಿನ್ಮಯ ಸೂಕ್ತಿಯು*

*ಮಂಗಳ ವಾದ್ಯದ ಗಾನದ ಜೊತೆಗದು*

*ನಯನದ ಚೆಲ್ಲಾಟ ಹರಿವಿನ ಗೀತೆಯು*//

*ವಿಷಯದ ಆಳಕೆ ನಿಶೆಯಲಿ ಸೇರುತ*

*ಮನಸಿನ ಬಯಕೆಗೆ ಬೇಲಿಯ ಕಟ್ಟುತ*

*ಸವಿನುಡಿ ಸವಿಮನ ಆಸರೆ ಎಂದಿಗು*

*ಬೆರೆಯುತ ಸಾಗಲು ಕಷ್ಟವ ಮುರಿಯುತ*//

@ಪ್ರೇಮ್@

10.04.2020