ರವಿಮಾಮ
ಲೇಟಾಗಿ ಬಾರೋ ರವಿಮಾಮ
ಚಳಿಯಲು ಬೇಗನೆ ಏಳಬೇಡ
ನೀ ಬರಲು ಅಮ್ಮ ಕರೆಯುವಳೆನ್ನ
ಹೊದ್ದು ಮಲಗುವೆ ಸ್ವಲ್ಪ ತಾಳಪ್ಪ..//
ಉರಿ ಉರಿ ಕಿರಣವ ಬಿಡಬೇಡ
ಕಣ್ಣಿನ ಒಳಗೆ ಚುಚ್ಚಬೇಡ
ಚಂದಿರನಂತೆ ತಂಪಾಗು
ನಮ್ಮಯ ನೋಡಲು ಕೆಳಬಾಗು//
ದಿನಕರನಂತೆ ನಿನ್ನ ಹೆಸರು!
ಸೂರ್ಯನು, ಆದಿತ್ಯನು ನೀನಂತೆ!
ನಿನಗೆ ನಮಸ್ಕಾರ ಮಾಡಬೇಕಂತೆ
ನಮ್ಮಯ ಆರೋಗ್ಯ ಸುಧಾರಿಸುವುದಂತೆ//
ರವಿವಾರ ಬರಬೇಡ ರವಿಮಾಮ
ರಜೆಯನು ಪಡೆಯೋ ಓ ಮಾಮ
ಸಂಜೆಯ ಆಟ ಮುಗಿಯದೆ ಇರಲಿ
ಬೇಗನೆ ಸಾಗರಕೆ ಇಳಿಯಲು ಬೇಡ//
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ