ಕಾರಣ
ಮಾಮಿ ಮರ್ಮಲ್ ಪಂಡ
ಪಗೆ ದುಂಬುಡ್ದೆ ಉಂಡುಗೆ..
ಮಾಮಿ ಮಲ್ತಿನ ಮರ್ಮಲೆಗ್ ಆಪುಜಿ
ಮರ್ಮಲೆನ ಸೇಲೆ ಮಾಮಿಗಾಪುಜಿ..
ಮಾಮಿ ಪಿರಾಕ್ ದಾರ್ ಮರ್ಮಲ್ ಇತ್ತೆದಾಲ್
ಮಾಮಿ ಅನುಭವದಾರ್, ಮರ್ಮಲ್ ಕಲ್ದಿನಾಲ್!!
ಮಾಮಿಗ್ ಇಲ್ಲಡ್ದ್ ಪಿದಾಯಿ ಪೋದು ಗೊತ್ತಿಜ್ಜಿ!
ಮರ್ಮಲೆಗ್ ಇಲ್ಲ ನಡಪಾಯರೆ ಗೊತ್ತಿಜ್ಜಿ!!!
ಮರ್ಮಲೆನ ಐಡಿಯೊಲು ಮಾಮಿಗ್ ಬರಂದ್!
ಆರ್ ಏಪಲ ಸೀದೊಡೆ ಪೋಪೆರ್!
ಮಾಮಿನಾತ್ ಕಣ್ ಕಟ್ಟ್ ಮರ್ಮಲೆಗ್ ತೆರಿಯಂದ್!
ಮಗನ್ ಎನಡ್ದ್ ದೂರ ಕೊನೊಯಲ್ಂದ್ ದೂರು!
ಮಗೆ ಆಲ್ನ ಪಾತೆರೊಗೆ ತಾಳ ಪಾಡುವೆಂದ್ ಬೇಜಾರ್!
ಯಾನ್ ಅಪ್ಪೆಲ್ಲ್ ಬುಡುದು ಬೈದಿನಿ ಏರೆಗಾದ್?
ಅಮ್ಮ ಪಪ್ಪ ಮೆಗ್ಗಿ ಪಲಯನ್ ಬುಡುದು ಬೈದಿನಿ ದಾಯೆಗಾದ್!
ಮರ್ಮಲೆನ ಬೇಜಾರ್ ಮರ್ಮಲೆಗ್
ಮಾಮಿನ ಬೇನೆ ಬೆಚ್ಚ ಮಾಮಿಗ್!
ನಡುಟು ಮಗನ ಸ್ಥಿತಿಗತಿ ದಾದ?
ದೇವೆರೆಗೇ ಗೊತ್ತು!
ಒಂಜಿ ಕಡೆಟ್ ಅಪ್ಪೆ!
ನನೊಂಜಿ ಕಡೆಟ್ ಬೊಡೆದಿ!
ಏರೆನ ಕಡೆಟ್ ಪಾತೆರುನಿ!
ರಡ್ಡ್ ಲಾ ತನ್ನವ್ವೆ...
"ಯಾನ್ ಜೆಪ್ಪರಾನಗ ಇಲ್ಲ ಸೇರುವೆ,
ಪೂರ ಜೆತ್ತಿಪುವೆರ್, ನೆಮ್ಮದಿ"
ಪೋಪುನಿ, ತಿನ್ಪುನಿ, ಜೆಪ್ಪುನಿ!"
ಮಾಮಿ ಮರ್ಮಲೆಗ್, ಮರ್ಮಲ್ ಮಾಮಿಗ್ ನೆರ್ಪುನಿ,
ಕಾರಣ ಸೈಲೆಂಟ್ ಆಯಿನ "ಮಗೆ!"
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ