ಪ್ರಾರ್ಥನೆ
ಗಣನಾಥ ನಿನ್ನ ಬೇಡುವೆ ಅನವರತ
ನೀಡೋ ಅಣ್ಣ ನೆಮ್ಮದಿ,ಆರೋಗ್ಯ ಸತತ//ಪ//
ಮೊದಲ ಪೂಜೆಯು ನಿನಗೆ ಸಮರ್ಪಣೆ
ನೀಡುವೆ ಭಕುತಗೆ ಭಕ್ತಿಯ ಕರುಣೆ
ಎಲ್ಲಿದೆ ನಿನ್ನಯ ಭಕ್ತಿಗೆ ಎಣೆ?
ಕಾಯೋ ದೇವಾ ನನ್ನ ಭಕ್ತಿಯ ಅರ್ಪಣೆ//೧//
ವೇದರಿಗಾಗಿ ಭಾರತ ಬರೆದೆ,
ತಾಯಿಯ ರಕ್ಷೆಗಾಗಿ ಮುಖವನೆ ತೊರೆದೆ,
ಹೊಟ್ಟೆಯ ರಕ್ಷೆಗಾಗಿ ಹಾವನ್ನೆ ಕರೆದೆ,
ಶನಿ ಕಾಟದಿಂದ ದೂರ ನೀ ಉಳಿದೆ//೨//
ಪಾರ್ವತಿ ಪ್ರೀತಿಯ ಮಗನಾಗಿ ಬೆಳೆದೆ,
ಸುಬ್ರಹ್ಮಣ್ಯ, ಅಯ್ಯಪ್ಪಗೆ ಅಣ್ಣನಾಗುಳಿದೆ,
ತಂದೆಗೆ ಗೌರವ ಕೊಡಲು ನೀ ತಿಳಿಸಿದೆ,
ಹರನ ಸುತನೆ ನಿನಗೆ ನಮಿಸಿ ನಾ ನಲಿದೆ//೩//
ಪಾರ್ವತಿ ನಂದನ ನಿನಗೆ ವಂದನೆ
ಶಿವಪುತ್ರನೆ ನಿನಗೆ ಮೊದಲ ಪೂಜೆನೆ
ದಯಪಾಲಿಸೆಮಗೆ ಒಳ್ಳೆ ಮನಸನ್ನೆ
ಗಣಪನೆ ನಿನ್ನಲ್ಲಿ ಇದುವೆ ಪ್ರಾರ್ಥನೆ//೪//
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ