ಎಂಕ್ಲೆನ್ ಒರ ತೂವರಾ..
ಕೇನೊಂದುಲ್ಲ ಸಾದಿದ ಬರಿಟ್ ಬೂರ್ದಿನ
ನೀರ್ ಪರ್ದ್ ದಕ್ ದಿನ ಬಾಟ್ಲಿಲು ಪೂರಾ
ತರೆ ದೆರ್ತ್ ದೆರ್ತ್ ದ್
ಎನನ್ ತೂವರಾ ಒರ?
ಕೇನೊಂದುಲ್ಲ ಖಾಲಿಮಲ್ತ್ ನಿಕ್ಲೆ ಜೋಕುಲು
ಮಲ್ಲಾಕುಲು ಟೈಂಪಾಸ್ ಗ್ ಪಂದ್
ತಿಂದ್ ದಕ್ ದಿನ ಕುರ್ಕುರೆ, ಲೇಸ್ ದ ಖಾಲಿ ಪ್ಲಾಸ್ಟಿಕ್ ದ ಗಂಟುಲು
ಎಂಕ್ಲೆನ್ ತೂವರಾ ಒರ?
ಕೇನೊಂದುಲ್ಲ ಒಯ್ತ್ ದಕ್ ದಿನ ಪಿನ್ನ್, ಆನಿ, ರಬ್ಬರ್
ತುಂಡಾತಿನ ಚೆಂಡ್, ಬಾಲ್ದಿ
ಎಂಕ್ಲೆಗ್ ಒರ ಮುಕ್ತಿ ಬೋಡು!
ಎಂಕ್ಲೆನ್ ಒರ ತೂವರಾ..
ಲಕ್ಕ್ ಲಕ್ಕ್ ದ್ ಉಂತುದಿನ ಆ
ಮಧು, ಪಾನ್ ಪರಾಗ್, ಮಾರುತಿ ತಿಂದ್ ದಕ್ ದಿನ
ರಾಶಿ ರಾಶಿ ಪಕೇಟ್ ಲು
ಎಂಕ್ಲೆನ್ ಒರ ತೂವರಾ...
ಇಲ್ಲದ ಕಜವುನ್ ತೊಟ್ಟೆಡ್ ಕಟ್ಟ್ ದ್
ಮಾರ್ಗಗ್ ದಕ್ಕ್ ನಗ ಗೊತ್ತಾಪುಜಿ
ನಮ ಏತ್ ಪಾಪಿಲು ಪಂದ್!
ಅವೆನ್ ತಿಂದಿನ ಕಕ್ಕೆ, ಏಡ್, ಪಕ್ಕಿ, ಪೆತ್ತ, ಬೋರಿಲೆನ ಬಂಜಿಗ್ ಪೋದು
ಆ ಬಾಯಿ ಬರಾಂದಿ ಜೀವೊಲು
ಬೇನೆಡ್ ನೆಗಾರ್ ನೆಗಾರ್ ದ್
ಸೈನಗ ಅವು ಏತ್ ಶಾಪ ಪಾಡಯ!
ಪೂರ ಕಜಾವುನು, ಒರಿದಿನ ಕೋಡೆ ಮೊರಾನಿದ ವನಸ್
ಒಂಜೆ ತೊಟ್ಟೆಡ್ ಪಾಡ್ ದ್
ಪಿದಾಯಿ ದಕ್ಕ್ ನಗ ನಮಕ್
ನಮ್ಮ ಕಜವು ಪೋಂಡ ಯಾವು..
ದುಂಬುದ ಆಲೋಚನೆ ಮಲ್ಪುನಕ್ಲು ನಮತ್ತ್..!!
ನಮ್ಮ ಜೋಕ್ಲೆಗೇ ಟೇಸ್ಟ್ ಪೌಡರ್ ಪನ್ಪಿ
ವಿಷ ಪಾಡಿನ ವನಸ್ ದುಡ್ಡು
ಕೊರ್ದು ಹೋಟೆಲ್ಡ್ ಗೆತ್ ಕೊರ್ದ್ ತಿನ್ಪಿನಕ್ಲು ನಮ!!
ನೂಡಲ್ಸ್, ಗೋಬಿ, ಮಂಚೂರಿ ಸಿಕ್ಸ್ಟಿ ಬುಡ್ಂಡ
ಅರಿತ ಮುಡಿ, ಬನ್ನಂಗಾಯಿ ಗೊತ್ತಿಪ್ಪಂದಿ ಜೋಕುಲು
ದುಂಬುಗು ಬೆಲ್ಲ ತಾರಾಯಿನ್ ಲಾ ಪಿಚ್ಚರ್ ಡೇ ತೂವೊಡಾ ದಾನ್ನ!
ಭೂಮಿಗ್ ಪೂರ ವಿಷ ಮೈತ್ದಾತ್ಂಡ್!
ಕೋರಿಗ್ ಮಲ್ಲಾಯೆರೆ ಇಂಜೆಕ್ಷನ್!
ಪೆತ್ತಗ್ ಪೇರಾಯೆರೆ ಕೆಮಿಕಲ್!
ಪೇರ್ ದಪ್ಪ ಆಯರೆ ಮರ್ದ್!
ತರಕಾರಿ ಬೇಗ ಬುಳೆಯರೆ ಸ್ಪ್ರೇ!
ಪೂರ ಸ್ಟಾಕಾಪಿನಿ ನಮ್ಮ ಬಂಜಿಡೇ?!!!
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ