ನಮನ
ಭಾರತ ಮಾತೆಯೆ ಮಕ್ಕಳು ನಿನ್ನಯ
ಬಾಗುವೆವು ತಲೆ ಆಶೀರ್ವದಿಸು!
ನಾಲ್ಕನೆ ಸ್ಥಾನಕೆ ಏರಿಸಿ ಬಿಟ್ಟೆವು
ತಂತ್ರಜ್ಞಾನದ ಹಾದಿಯಲಿಂದು!!
ಅಮೇರಿಕ,ಚೀನಾ,ರಷ್ಯದ ಬಳಿಕ
ಹೊಡೆದುರುಳಿಸಬಲ್ಲೆವು ಸುತ್ತುವ ಉಪಗ್ರಹಗಳನು!
ಪಾಲಿಸು ನಿತ್ಯವು ಶಕ್ತಿಯ ಯುಕ್ತಿಯ
ಕಾಯುತ ನಿನ್ನಯ ಪ್ರೀತಿಯ ಮಕ್ಕಳನು...
ಆಕಾಶಕೆ ಹಾರಿ, ವಿಮಾನವ ಹಿಡಿದು,
ನಿನ್ನಯ ಕಳ್ಳರ ಸಂಹರಿಸಿಹೆವು.
ಗೋಡೆಯ ದಾಟುವ ಜನರನು ಹಿಡಿದು,
ಸದೆಬಡಿಯುತ ಶೌರ್ಯವ ಮೆರೆದಿಹೆವು!!
ಯೋಧರ ಕಾವಲು ನಿನಗಿದೆ ನಿರತವು..
ಉತ್ತರದಲಿ ಕಾಂಚನ ಜುಂಗ ಅನವರತವು..
ದಕ್ಷಿಣದಿ ಹಿಂದೂ ಸಾಗರ ಕಾಳ್ತೊಳೆಯಲು..
ಮನದಲಿ ದೃಢ ಭಕ್ತಿಯು ಇರಲು...
ಮಂಜಿನ ಸಾಲಲಿ ನಿನ್ನಯ ಪಯಣ..
ಪಶ್ಚಿಮ ಘಟ್ಟದ ಸಾಲಿನ ಕವನ..
ಎಲೆತುದಿ ಹಿಮದಲಿ ನದಿಗಳ ಜನನ..
ದ್ವಾದಶ ಮಾಸವು ಹರಿವುವು ಗಂಗಾ-ಯಮುನ..
ಈಶಾನ್ಯದಿಂದ ಚಹ,ಕಾಫಿಯ ಘಮಘಮ..
ಅರಬ್ಬಿ, ಕೊಲ್ಲಿಗಳಲ್ಲಿ ತೆರೆಗಳ ಸಮಾಗಮ!!
ಬೆಟ್ಟ ಗುಡ್ಡಗಳ ಆರಾವಳಿ ಸಾಲು!
ತುಂಬಿದೆ ನಿನ್ನಲಿ ನಮ್ಮಯ ಬಾಳು!!
ನಿನ್ನಲಿ ಹುಟ್ಟು ನಮಗಭಿಮಾನ
ಭಾರತಿ ನಿನಗೆ ಮಾಡುವೆ ಸನ್ಮಾನ!
ಪಡೆದಿಹೆನಿಲ್ಲಿ ಬಿಸಿ ಉಸಿರಿನ ಸ್ಥಾನ!
ತಾಯಿ ಭಾರತಿಯೆ ನಿನಗೆ ಪ್ರೀತಿಯ ನಮನ!!
@ಪ್ರೇಮ್@
28.03.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ