ಗಝಲ್
ಬದುಕು ಹೀಗೆಯೇ ಮೌನ ಶಬ್ದದ ಹಾಗೆ
ಮಾತು ಹೀಗೆಯೇ ಪದವು ನಿಶ್ಶಬ್ದದ ಹಾಗೆ!
ಪ್ರೀತಿ ಹಾಗೆಯೇ ದ್ವೇಷ ಉಕ್ಕುವ ತೆರದಿ
ನೀತಿ ಹಾಗೆಯೇ ಪಕ್ಷಪಾತ ಮೂಡಿದ ಹಾಗೆ!
ನಲಿವೂ ಹಲವೆಡೆ ನೋವು ನೀಡುವುದು ಬಾಳಿಗೆ
ಕಲಿಕೆಯೂ ಹಲವೆಡೆ ಗುರಿಯ ತೋರದ ಹಾಗೆ!
ನಿದ್ದೆಯಲ್ಲೂ ಹೆದರಿ ಬೆಚ್ಚಿ ಬೀಳುವೆವು ಕೆಲವೊಮ್ಮೆ
ಬಿದ್ದಾಗಲೂ ಏಳುತ ಹೋರಾಡಿ ಗೆದ್ದ ಹಾಗೆ!
ದು:ಖದಲಿ ಹೇಳಿಕೊಳ್ಳಬಾರದು ಮನದೊಡಲ *ಪ್ರೇಮ* ಭಾವ
ಸುಖದಲೂ ಮುಖವ ಸಿಂಡರಿಸಿ ಬದುಕಿದ ಹಾಗೆ!
@ಪ್ರೇಮ್@
16.01.2020
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ