ಗಝಲ್

*ಗಝಲ್*

ಬಾಡಿ ಹೋದ ಬಳ್ಳಿಯಿಂದ ಹೂವು ಅರಳ ಬಲ್ಲುದೇ?

ಕಾಡಿ ಬೇಡಿ ಪ್ರೀತಿಯನ್ನು ಹೃದಯ ಪಡೆಯ ಬಲ್ಲುದೇ?

ನೋವ ನುಂಗಿ ಮಹಿಳೆ ತಾನು ಸಂಸಾರ ನಡೆಸಬಲ್ಲಳು

ಆದರೇನು ಬಸವಳಿದ ಜೀವ ಚಿಗುರ ಕಾಣ ಬಲ್ಲುದೇ?

ಒಡೆದು ಚೂರಾದ ಕನ್ನಡಿಯ ಜೋಡಿಸಲು ಸಾಧ್ಯವೇ?

ಬಿರುಕಾದ ಮನದ ನಡುವೆ ಮತ್ತೆ ಸೇತುವೆಯ ನಿರ್ಮಿಸ ಬಲ್ಲುದೇ?

ಮರದ ಹಾಗೆ ಭಾವನೆಗಳ ನೇರ ನಿಲ್ಲಿಸುವುದು ಸಾಧ್ಯವೇ?

ಪ್ರತಿ ಕ್ಷಣವೂ ಪ್ರೀತಿಯ ಮಧುರ ಭಾವ ಹೊಮ್ಮ ಬಲ್ಲುದೇ?

ಮಖದಿ ನಗೆಯ ಕಾಣಲೆಮಗೆ ಪ್ರೀತಿ ಕಡಲು ಬೇಡವೇ?

ಕಡಿದು ಸುಟ್ಟ ಮರದ ನಡುವೆ ಚಿಗುರು ಬರಲು ಬಲ್ಲುದೇ?

ಚಂದ್ರ ತಾರೆ ಬಾನ ಬಯಲು ಅಗಲಿ ಇರಲು ಆಗುವುದೇ?

ಮನದ ನೋವ ಮೂಟೆ ಕಟ್ಟಿ ತೇಲಿ ಬಿಡಲು ಬಲ್ಲುದೇ?

ಮಾತ ಕೊಂದು ಬಯಕೆ ಚಿವುಟಿ ಗೆಲ್ಲಬಹುದೇ ಬಾಳಲಿ?

ಪ್ರೇಮವೆಂಬ ಸುಮವ ಮರೆತು ಬದುಕ ಸವೆಸ ಬಲ್ಲುದೇ?

@ಪ್ರೇಮ್@

02.01.2020

🥀🌼🥀🌼🥀🌼🥀🌼