ಗಝಲ್

[8/2, 5:10 PM] @PREM@: ಗೆಳೆಯರ ದಿನದ ಪ್ರಯುಕ್ತ

ಗಝಲ್

ಅಂಧಕಾರದ ಲೋಕದಲಿರುವ ಕುರುಡನಿಗೆ ಜಾರಿ ಕಾಣಿಸುವವ ಗೆಳೆಯ

ಮದ ಮೋಹ ಮತ್ಸರವ ತೊಡೆದು ಹಾಕಿಸುವವ ಗೆಳೆಯ

ಮಾನಿನಿಯ ಮರೆಯಲು ಸಹಕರಿಸಿ ಜೀವಕ್ಕೆ ದಾರಿ ತೋರುವವ

ಮೋಹ ಪಾಶದಿ ಸಿಲುಕಿದವನಿಗೆ ಮುಕ್ತಿ ಕರುಣಿಸುವವ ಗೆಳೆಯ

ಮಂಕು ಬುದ್ಧಿಗೆ ನೀರು, ಆಹಾರ ಹಾಕಿ ಸರಿಮಾಡುವವ

ಮಂದಾರದ ಮನದಲಿ ಸಹಕಾರ ನೀಡಿ ರಕ್ಷಿಸುವವ ಗೆಳೆಯ

ನಾವಿಕನಿಲ್ಲದ ಹಡಗಿನಲಿ ಒಬ್ಬಂಟಿಗನಾಗಿ ಚಲಿಸುವವನಿಗೆ ಜೊತೆಯಾದವ

ನಗರ ಹಳ್ಳಿಯಲೂ ನಂಬಿಗನಾಗಿದ್ದು,  ನಗೆಗಡಲಲಿ ತೇಲಿಸುವವ ಗೆಳೆಯ!

ನೋವುಂಡ ಮನಕೆ ನಲಿವಿನ ಸಾಂತ್ವನದ ಕಷಾಯ ನೀಡುವವ

ನರಕದಂಥ ಬದುಕಲಿ ಸದಾ ನಾಕದಂದದಿ ಬದುಕಿಸುವವ ಗೆಳೆಯ

ನೀರಿನಂಥ ಪರಿಶುದ್ಧ ಸಂಬಂಧ, ಸಕ್ಕರೆಯಂಥ ಸಿಹಿಗುಣದವ

ನಿರ್ವಿಕಾರ ಭಗವಂತನ ಮತ್ತೊಂದು ರೂಪವಾಗಿ ಬಂದವ ಗೆಳೆಯ.

ನಾದ ಹೊಮ್ಮಿಸಿ, ನೆರಳು ನೀಡಿ ನಿಜದಿ ಸಲಹುವವ 

ನಂಜಿನುರಿಯಲು ನಾಚಿ ನೀರಾಗಿಸಿ ನೂಲು ತೆಗೆವವ ಗೆಳೆಯ!

ನೇಪಥ್ಯಕೆ ಸರಿದಿಹ ಹಲ ಸಂಬಂಧಗಳ ಒಂದುಗೂಡಿಸುವವ

ತನ್ನ ನೇರ ನುಡಿಯಿಂದ  ಪ್ರೀತಿ ಪಡೆಯುವವ ಗೆಳೆಯ..

@ಪ್ರೇಮ್@

02.08.2020

[8/3, 8:07 AM] @PREM@: ವಚನಗಳು

ಬೆನ್ನ ಹಿಂದೆ, ಮುಂದೆ ಹುಟ್ಟಿದ

ಸಹೋದರರ ರಕ್ಷಿಸಿ ದೇವಾ

ರಕ್ತ ಹಂಚಿ ಹುಟ್ಟದಿದ್ದರೂ ಸಹೋದರನಂತೆ ರಕ್ಷಿಸುವ ಮನವ ಸದಾ ಹೆಚ್ಚು ಕಾಲ ಬಾಳುವಂತೆ ಹರಸಿ ಈಶಾ..

ವಚನ-2

ಮಾತಿರದ ಮೌನದಲೂ ಪ್ರೀತಿಯಿರುವ ಸಂಬಂಧಗಳ ಮದ ಮತ್ಸರ ಲೋಭಗಳಿಂದ ದೂರವಿರಿಸಿ ಕಾಪಾಡಬೇಕು ನೀನೇ ಜಗದ ಈಶಾ...

@ಪ್ರೇಮ್@

03.08.2020

[8/5, 6:25 PM] @PREM@: ಟಂಕಾಗಳು

ಟಂಕಾ-1

ಮಾತೆಯೆಂದರೆ 

ಮುತ್ತಲ್ಲವು ಅವಳು

ಮಾಣಿಕ್ಯವಲ್ಲ

ನಿಧಿ ಧನವೂ ಅಲ್ಲ

ಸರ್ವಕ್ಕಿಂತ ಮಿಗಿಲು!

2. ಟಂಕಾ

ಮನುಜನ ಗುಣವೇ

ಪರೋಪಕಾರ ಮಾಡಿ

ಜನಮನದಿ

ಸದಾ ನೆಲೆಯೂರುವ

ದಿನಪನ ಹಾಗೆಯೇ

ಬೆಳಕ ನೀಡಬೇಕು!

@ಪ್ರೇಮ್@

05.08.2020

[8/6, 2:46 PM] @PREM@: ಹಾಯ್ಕುಗಳು

1. ಕೆಂಪಾದವಲ್ಲ

      ಭೂತಾಯ ಕಣ್ಣುಗಳು

           ಮಳೆ ಸುರಿಸಿ!!!

2. ಪುಟ್ಟ ಕಂದನ

        ನಗುವ ಕೇಕೆಯಲಿ

             ಜಗ ಮರೆತೆ!!!

3. ಅಮ್ಮನ ಕರ

      ಪಾತ್ರೆಯನು ಉಜ್ಜಿದ

        ಗಡಸು ಧ್ವನಿ!

4. ಇಳೆ ತಂಪಾಗೆ

       ಮೇಘ ರಾಜನ ನೃತ್ಯ

         ಸ್ತಬ್ಧವಾಯಿತು!!!

@ಪ್ರೇಮ್@

06.08.2020@prem@