ಆಟಿ ಬಂತು

ಆಟಿ ಬಂತು

ಆಚರಣೆ ಹಬ್ಬಗಳ ಬದಿಗಿರಿಸಿ

ಪ್ರಕೃತಿ ವಸ್ತುಗಳ ಪ್ರೋತ್ಸಾಹಿಸಿ

ನೈಸರ್ಗಿಕ ತಿನಿಸುಗಳ ಪುಷ್ಠೀಕರಿಸಿ

ರೋಗರುಜಿನಗಳಿಂದ ದೂರವಿರಿಸೊ ಆಟಿ ಬಂತು!

ಪತ್ರೊಡೆ, ಹಲಸಿನ ಬೀಜಗಳ ಊಟ

ಚೆಕ್ಕೆ ಕಹಿ ಔಷಧಿಗಳ ಕಾಟ

ಹಿರಿಯರ ನೆನಪಿನ ರಸದೂಟ

ಹಳೆ ಸಂಪ್ರದಾಯಗಳ ನೆನಪಿಸುವ ಆಟಿ ಬಂತು.

ಆಟಿ ಕಳೆಂಜನ ನಲಿವಿನ ನೋಟ

ಮಳೆಯಲ್ಲು ಬೆಳೆವ ಅಣಬೆಯ ಹುಡುಕಾಟ

ಕಳಲೆ, ಕೆಸುಗಳ ಸಿಹಿ, ಕಾರದೂಟ

ಮಕ್ಕಳೊಡನೆ ತವರಲಿ ಕಳೆವ ಆಟಿ ಬಂತು..

ಹಬ್ಬ ಹರಿದಿನಗಳ ದೂಡಿ ಬಂತು

ಹಲವು ಕಾರ್ಯಕ್ರಮಗಳ ಮುಂದೋಡಿಸಿ ಬಿಡ್ತು

ದೈವ ದೇವ ಕಾರ್ಯಗಳ ಬೇಡವೆಂದಿತು

ಹಿರಿಯರ ಸೇವೆಗಷ್ಟೆ ಮೀಸಲಾದ ಆಟಿ ಬಂತು..

@ಪ್ರೇಮ್@

20-07-2020

@prem@