ನಾನಾರು

*☕ನಾನಾರು ಬಲ್ಲಿರೇನು?*☕

*ಗೆಳತಿಯಂದ ನೋಡವಲ್ಲಿ ನಾನೇ ಇರುವೆನು*

*ಗೆಳೆಯನನ್ನು ಕಾಣೆ ನನ್ನ ಹುಡುಕಿ ಬರುವರು*

*ಬಾಳಿಗೊಂದು ಜೊತೆಯನರಸೆ ನಾನೆ ಮೊದಲಲಿ*

*ಜೊತೆಗೆ ಕುಳಿತು ಹೀರಿದಷ್ಟು ಸ್ವಾದ ಮನದಲಿ*

*ಕೆಲಸ ಮಾಡಿ ದಣಿವು ಹೋಗಲೆನ್ನ ಕರೆವರು*

*ಬಿಸಿ ಬಿಸಿಯ ಸೊರ ಸೊರನೆ ಕುಡಿದು ಮೆರೆವರು*

*ಮಲೆನಾಡ ಹೆಸರಿನೊಡನೆ ನಿತ್ಯ  ನಾನು ಸೇರಿಕೊಂಡಿಹೆ*

*ಗಡಿನಾಡಿನಲೂ  ಬದುಕೊ ಜನರ ಮನವ ಕದ್ದಿಹೆ*

*ಬೆಲ್ಲ ಸಕ್ಕರೆ ಹಾಲಿನೊಡನೆ ಬೆರೆಸಿ ನೋಡಿರಿ*

*ಬಿಸಿಯಾಗಲಿ, ತಣ್ಣಗಾಗಲಿ ಹೀರಿ ಹೇಳಿರಿ*

*ಮನೆಗೆ ಬಂದ ಅತಿಥಿಗೆಲ್ಲ ನನ್ನ ಸತ್ಕಾರ*

*ಮನಕೆ ಹಿತವು ಕುಡಿದ ಮೇಲೆ ಭವ್ಯ ಹೂಂಕಾರ*

*ಮರವು ಅಂದಕಾಗಿ ಕೋಣೆಯೊಳಗೆ ಜೋಡಣೆ*

*ಪುಡಿಯು  ಡಬ್ಬದೊಳಗೆ ಸೇರಿಹುದು ಅಡಿಗೆಮನೆ*

*ಒಂದೆ ಕಪ್ಪಿನಲ್ಲಿ ಹೊಸತು ಸಂಬಂಧ ಕುದುರುವುದು*

*ಆಸ್ತಿ ಪಾಸ್ತಿ ಮಾತುಕತೆಯು ಆರಂಭವಾಗುವುದು*

*ಕೊಟ್ಟು ಪಡೆಯೆ ನಾನೆ ನಡುವಿನಲ್ಲಿ ಬರುವೆನು*

*ಎರಡು ಕಡೆಯ ಜನರಿಗೂ ಸಹಾಯ ಮಾಡುವೆನು*

*ಕೋಪ ಶಮನವಾದೊಡೆನ್ನ ಕರೆದು ಹಂಚುತ*

*ಭೂಪನಾದ್ರೂ ಕುಡೀಲೆ ಬೇಕು ರುಚಿಯ ಮೆಚ್ಚುತ*

*ಚಳಿಗೆ ಬಿಸಿಯ ತರುವೆ ಜನರ ದೇಹಕುಷ್ಣವು*

*ಬಿಸ್ಕತ್ತಿನೊಡನೆ ಕುಡಿಯೆ ಆಹಾ ಅದೇನು ಅಂದವು..*

*ಪರಮ ಸ್ನೇಹ ಪ್ರಾರಂಭಿಸೆ ನನ್ನ ಜಾಗವು*

*ಪರರು ಗೆಳೆಯರಾಗುವರು ಇರಲು ನನ್ನಿರವು..*

*ಜೀವನ ಸಂಗಾತಿಯ ಮಾತಿಗೆಳೆಯೆ ನಾನು ನಡುವಲಿ*

*ಬೇಕು ಬೇಡಗಳನ್ನು ತಿಳಿಯೆ ಹೀರಿ ಕಪ್ಪಲಿ..*

*ಗಿಡವ ಬೆಳೆಸಿ ನೀರು ಸುರಿಸಿ ಬುಡವ ಬಿಡಿಸಲು*

*ಗೊಬ್ಬರ ಹರಡಿ ಹದವ ಮಾಡಿ ಗಿಡವ ಬೆಳೆಸಲು*

*ಚಿಗುರ ತೆಗೆದು ಹೂವ ಬಿಟ್ಟ ಸಸಿಯೆ ಅಂದವು*

*ಹೂವಿನಿಂದ ಹೂವಿಗ್ಹಾರೊ ಚಿಟ್ಟೆ ಚಂದವು*

*ಹೂವು ಕಾಯಿಯಾಗುತಿರಲು ಮನವು ಕುಣಿವುದು*

*ಸಾಲು ಕಾಯಿ ಕೆಂಪಾಗೆ   ಜೀವ ತಣಿವುದು*

*ಬೀಜ ಕೊಯ್ದು ಒಣಗಿಸುತ್ತ ತನ್ನೆ ಮರೆವುದು*

*ಅದನು ಕುಟ್ಟಿ ಪುಡಿಯ ಮಾಡೆ ರೈತ ಶ್ರಮ ಸಾರ್ಥಕವಾಗುವುದು*

*ಪುಡಿಯ ನೀರಿಗ್ಹಾಕಿ ಕುದಿಸಿ ಪರಿಮಳವ ಸವಿವುದು*

*ಹಾಲು ಹಾಕಿ ಸಿಹಿಯೊಡನೆ ಕುಡಿದು ತಣಿವುದು*

*ರೋಗವಿರದು ಕಾಫಿ ಕುಡಿದ ಮನುಜ ಮಂದಿಗೆ*

*ತೋಟದಲ್ಲಿ ಕೆಲಸ ಮಾಡೊ ಹುಮ್ಮಸ್ಸು ತಂದಿದೆ*

*ಒಂದು ಲೋಟ ಕಾಫಿ ಸಾಕು ಬಂಧುಗಳಿಗೆ ಸತ್ಕಾರ*

*ಬಂದು ಹೋಗೊ ಜನರು ಕಾಫಿ ಕುಡಿಯೆ ಮಮಕಾರ*

*ಪರರ ಹಿತಕಾಗಿ ಬಾಳಿ ಸಂತಸವ ಹಂಚುವೆ*

*ಮನುಜ ನೀನು ಬುದ್ಧಿ ಕಲಿಯೊ ಎಂದು ಬೇಡುವೆ..*

@ಪ್ರೇಮ್@

18.12.2020

☕☕☕☕☕☕☕☕